Zirtawpni kalta khan Mizoram Industries Association hruaitute chuan an President Laltlankima hovin Environment & Forests Minister Lalrinmawia Ralte an hmu a, October 31, 2013 a PCCF Mizoram-in Thingzai khawl hman lai zawng zawng te khar tura thupek (order) a tihchhuah chu a rang thei ang ber a sut leh turin an ngen. Forest Minister chuan dan hi en that leh mek a nih thu sawiin, lo nghak hram hram turin MIA hruaitute chu a ngen a. Chief Minister hova cabinet meeting neih hmasak berah ngaihtuah a nih tur thu alo hrilh bawk a, a chungah hian Mizoram Industries Association (MIA) hruaitute an lawm hle. Hemi ni vek hian MIA hruaitute hian Industries Minister H.Rohluna an hmu a, Mizoram a Industry hmanga eizawngtute hmasawnna tur thil hrang hrang an sawipui. Tun aia kim chang zawk leh ko kim zawka Industries Minister ho va zau zawka hmathar lak dan tur sawi ho leh turin thu an dah.