Oxygen Concentrator : Lei dawna hriat tur pawimawh zualte

Admin - May 16, 2021

Oxygen Concentrator : Lei dawna hriat tur pawimawh zualte

Covid-19 thawh hnihnain nasa taka India a run mek avangin oxygen indaih lohna thawm a ring sawt hle a, politician te pawhin inbeih nan an hmang chho mek. Oxygen tlak chham avang hian state thenkhatah chuan nunna chan an pung chho zel a, mimal leh sawrkar ang pawhin oxygen mamawhna a sang chho hle a ni. 

Oxygen Concentrator (OC) hi oxygen cylinder nen an hnathawhdan a inang tih theih a ni a, kawng tam takah danglam an nei ve bawk. OC hi chuan environment atangin oxygen a siam chhuak a, hei hi a thatna leh awlsam bikna chu a ni. Boruaka gas chhiate chu thlifimin damlo hman theih turin oxygen fir a pe chhuak a ni. 

Oxygen concentrator thatna dang leh pakhat chu darkar 24 chhung a hman theih hi a ni a, oxygen cylinder angin a zo ve zung zung lo a ni. 

Hriat tur pawimawh te - 
1. Covid-19 vei ten thawk lamah harsatna an nei thin a, oxygen concentrator mamawhna hi a sang chho hle.  Mihring damtha pangngaiin oxygen kan mamawh zat hi 21% vel a nih laiin, hri veite chuan 90% vel lai an mamawh - oxygen concentrator hian 90-94% lai a pe thei a ni. 

2. Oxygen concentrator hian 90% aia hniam a pek chhuah chuan damloin a mamawh zat a dawng lo tihna a ni a, damdawiin panpui vat tur a ni. OC hian minute khatah oxygen litre 5-10 pe chhuak theia ngaih a ni. 

3. OC hi chi hnih a awm a, damlo chu ina enkawl a nih chuan home oxygen concentrator hman tur a ni. A len zawk bakah oxygen a pe chhuak hnem thei zawk a, direct power supply a mawh thung. 

4. Damlo chu hospital-a enkawl emaw zinpui ngai a nih chuan portable oxygen concentrator hman tur a ni. Lek vel a awlsam bakah direct power supply a ni lo a, smartphone hmang pawha charge mai theih a ni. Oxygen pek chhuah theih chin/bithliah a neih avangin rinrawla hman atan erawh duhthu a sam lo deuh. 

5. OC hi minute khata oxygen litre 5 leh litre 10 pe chhuak thei a awm a, mamawh dan a zirin lei dawnah duh thlan mai tur a ni. 

6. OC lei dawna hriat tur pawimawh tak pakhat chu oxygen a pek chhuah theih zat hriat chian a ni. Damloin a mawh san lai ber pawha 90% chin tal pe chhuak thei lei tur a ni a, a aia hniam chu emergency-ah a him tawk lo thei a ni. 

7. Oxygen a pek chhuah fir zawng a inang lo thei viau bawk a, 90% aia hniam chu leih loh tur, brand rin tlak chauh hmang ang che. 

8. OC hi company tam takin an siam chhuak a, India ramah chuan - Philips leh Medikart te chu rintlakah ngaih niin, US siam brand hman tlak tak tak a awm bawk. China siam chhuah oxygen concentrator te erawh hman loh a him ber niin mithiamte chuan an sawi. 

9. Oxygen concentrator hi online-a chah a him tawk lo thei a, chu vangin medical equipment dealer hnen atanga lei a him ber a ni. 

10. China leh India siam oxygen concentrator minute khata litre 5 pe chhuak thei hi a tlangpuiin Rs. 50,000 - 55,000 a ni.  Philips hian India-ah model chi khat chauh a hralh chhuak a, Rs 65,000 man vel a ni. China siam minute khata litre 10 pe chhuak thei chu Rs. 95,000 tanga Rs 1.10 lakh man vel a ni. US siam te erawh an man a to deuh a, Rs. 1.50 lakh vel atangin a intan a ni. Oxygen concentrator lei dawn chuan doctor te emaw medical expert te rawn a finthlak ber a ni. 

Share now