Thalai khawvel

Oxygen mamawh tan Sushmita Sen

Admin - Apr 24, 2021

Mumbai atangin Delhi-ah oxygen bur eng emaw zat a thawn lut!

Femina Miss India hlui Sushmita Sen chu Covid-19 thawh hnihna leng avanga oxygen indaih lohna thleng mekah mamawhtute tan a che chhuak a, Mumbai atangin Delhi-ah oxygen bur eng emaw zat a thawn lut!

India ram hmun hrang hrangah oxygen indaih lohna hi a nasa hle a, hospital tam tak chu an mangang hle. Delhi-a hospital lian tak pakhat Shanti Mukand Hospital chuan oxygen an mamawh thu leh darkar hnih daih bak an neih tawh loh avanga damlote dinhmun a ngaihtuahawm thu an tarlang. Hei thu hi Sushmita Sen hian a lo hria a, Twitter kal tlangin oxygen cylinder pek a inhuam thu a tarlang a ni. 

Model leh lemchan thiam ni bawk Sushmita Sen hian Mumbai atanga Delhi-a oxygen bur thawn chu thil harsa tak a nih avangin Twitter kaltlangin tanpuitu a zawng ve leh chhawng a, a tawpah chuan an hlawhtling ta a ni. Hemi chungchang hi Zirtawpni khan tarlangin, mamawhtute tana an che chhuak thei chu a hlimin a lawm tak zet tih a sawi. 

Kum 45 mi lai ni ve tawh Sushmita Sen hi kum 1994 khan Femina Miss India atan thlan a ni a, hemi kum vek hian Miss Universe atan thlan a ni bawk. He tih hun lai hian kum 18 mi chauh a la ni a, India chhul chhuak zianga Miss Universe ni thei hmasa ber a ni nghe nghe. 

Bollywood a luhchilh hnuah a hlawhtling zui viau bawk a, Filmfare Award (Best Supporting Actress) a dawn bakah, award dang eng awm zat a dawng tawh a ni.