DOWNLOAD OUR APP

Read latest news on your phone
app-store

Pa lian rothap Derrick Lewis leh Cyril Gane

Aug 08, 2021

August 8, 2021 ah ngei hian

UFC heavyweight champion lai Francis Ngannou chuan a tumpui tur ranking No. 2 leh UFC heavyweight contender Derrick Lewis-a chu September thla pawha ala hmachhawn theih dawn loh vangin ruahmanna thlak dang lamin promotion lam chuan ranking No. 3 Ciryl Gane nena UFC 265-ah interim title zawng mai turin thu tlukna a siam a, tukin zing dar 7:30 hian  chu Houston, Texas, USA-a Toyota Centre-ah pay-per-view card hmangin pa lian insual hi a chhawp chhuak dawn ta. 

Heavyweight huanga knockout ngah ber Derrick Lewis a tum tur Cyril Gane-a hian August 2019 khan UFC a lutchilh ve chauh a, UFC huangah chuan mi 3 chauh la tumin a la chak vek a, a MMA career-ah fighter 9 hmachhawn tawhin tlawm ala nei lo. UFC hnuaia a insualna hmasa berah Raphael Pessoa chu submission hmanga hnehin, Alexander Volkov laka chak lehin tunah hian UFC heavyweight huanga chak zawn rei ber a ni mek a ni. 

Anni pahnih insual ah hian a chak zawkin UFC Heavyweight Champion Francis Ngannou-a an hmachhawn leh dawn a ni. 

Kum 36 mi "The Black Beast" Derrick Lewis hi feet 6 leh inches 3 zeta sang niin kg 119 a rit a ni a, 4oz Fight Club tean tana khelin New Orleans lam chhuak niin tunah hian an insualna tur hmuh Houston lamah a khawsa mek a ni. Mixed martial arts-ah hian tum 33 fight nei tawhin tum 25 a chak zinga 20 chu knockout hmanga chak a ni. Tun hma lamin UFC heavyweight champion Francis Ngannou pawh alo hneh tawh a ni. Lewis hi kutthlak na tak a nih rualin a pa len leh thau vang hian fitness erawh a nei tha lutuk lo tura ngaih a ni.  Kum 31 mi Cyril Gane hi Lewis aiin inches 2-in a sang a, kg 112 a rit niin fitness-ah chuan tha zawk tura ngaih a ni. Kickboxer niin MMA a luh hma hian kickboxing-ah tum 13 fight nei tawhin tlawm ala nei lo. 

Share now