April 26, 2024; TNT din tu Dr. Sangthankima chu Padma Shri Award 2024 dawng tur a thlan a ni.

Thutak Nunpuitu Team (TNT) din a rawngbawlna zau leh ropui tak kalpui mektu Dr. Sangthankima hi India mi Civil mite chawimawina sang Padma Shri Award dawng tura thlan a ni a, a dawnna tur category chu 'Social Service' a ni.

TNT rawngbawlna hi Aizawl bakah, Lunglei, Champhai leh Kolasib (Khuangpuilam) ah te kalpui a ni a, chung hmunah te chuan ruihhlo lam a harsatna tawk te, fahrah leh enkawltu nei lo, nause thlenga an enkawl bakah, vohbik chi hrang hrangte Pathian thu nen an enkawl a, infiamna lam ah pawh Mizote hming ti tha pha khawpin TNT ah hian hmalak a ni.