April 24, 2025; UPC (NEI) General Conference neihna tur Pandal, thli-in a tihchhiat chu sak that chhunzawm a ni a, naktuk hian Conference tan tur a ni.

Pandal sak that hnatlang hi Kolasib khaw chhunga Pastor Bial hrang hrang bakah Kawnpui, Bilkhawthlir leh Bairabi bial atangin Kohhran mi thahnem tak an hnatlang thin a. Nimin khan pandal hi an zo thawkhat a, vawiin lamah a cheimawi an tan ang, zanin hian pandal hlanna inkhawm neih hman an tum nia thu dawn a ni.

UPC NEI General Conference hi naktuk Ningania neih tan tur a ni a. Khawmpui thlenna tur pandal hi an sakzawh hnu-ah Inrinni kalta tlaia thli leh rial thawk khan a nuaichhiat sak a, Pathianni khan paldal chhia senghawiin a sak bul an tan leh nghal a ni.

Conference hmanna tur Pandal hi Kolasib Vengthar, North Mizoram District hmunhma-ah sak niin a dung feet 100 leh avang feet 75-a sak a ni a, conference palaite thlen dan tur pawh ruahmanna siam niin, counter hi hmun 4-ah siam a ni.