May 16, 2024; Mizo film hmuhnawm tak tur, "Pangpar Huan - A family warfare" chu tun thla May ni 30 (Thursday) zan hian Vanapa Hall-ah tlangzarh a ni dawn ta.

He film hi Mizo film lama sulsutu pakhat leh sulhnu ngah tak leh film hmuhnawm tak tak Zofate tana lo chhawp chhuak thin tu Melody G Fanai siam a ni, tun hnaia a film siam Mosual pawh a hit hle a nih kha. He film "Pangpar Huan" hi Mizo film critic-te chuan Mizo society darthlalang tha tak a ni an ti nghe nghe.

"Pangpar Huan - A family warfare" genre hi drama, romance leh tragedy inpawlh a ni a, he film ah hian inhnit fap fap na tur a awm rualin nuih hawk hawkna tur zeh tel a ni. Mitin mil tura siam a ni a, naupang/pitar putar thlenga en him tura duan a ni. He film hi thil thleng tak tak behchhan (based on true events) a ziah a ni a, he thawnthu ngaihnawm taka ziaktu hi H. Lalmuanpuia, youtube lama MISUALPA ti a kan hriat lar thin kha a ni a, ani hian screenplay leh storyboard a ziak nghe nghe.

Mizo film en thin te chuan he film a a changtute hi kan hmelhriat fur deuh vek tawhin a rinawm a, chutih rualin hmel thar film chang thiam tak tak kan hmu dawn bawk a ni. Filmstar tha tak taka leh sulhnu tha tak lo nei tawh te he film ah hian an inlan dawn a, Ambush, Rawngchawhpawlh, Mosual etc a lo inhnamhnawih tawh te an ni nawk hlawm. Mizo Idol top 10 leh Zoram rimawi huanga mikhual lo tak Rinhlui Tlumang he film-ah hian a inlan dawn bawk a ni.

"Pangpar Huan - A family warfare" film hi nikum June thla atanga shoot niin uluk taka sound mixing te, editing te khawih a nih hnu - kum khat liam hnu ah release a ni dawn a. Pangpar Huan film hming hi a dangdai hle a, a hming ringawt hi mi thenkhat chuan, "phut zuk na tham a tling e" an ti hial a ni. Chutih rualin he film hian englam nge a hawi dawn a, he film hian eng thawnthu nge min hlui dawn tih hriat a chakawm tawh takzet bawk.

He film release a nih rual hian Runmawi app. lamah a en theih nghal dawn bawk a. Release a nih ruala en duh tan Runmawi app. playstore lamah download mai tur a ni.