DOWNLOAD OUR APP

Read latest news on your phone
app-store
Parliament PAC kum 100 tlin lawmna hmang
Dec 05, 2021

Aizawl : December ni 4 leh ni 5, 2021 chhung hian Parliament of India-a Public Accounts Committee chuan a kum 100 tlin lawmna, Central Parliament Hall, New Delhi-ah a hmang mek a. He hun hmang tura sawm an nih angin Mizoram Legislative Assembly ațangin Lalrinliana Sailo, Speaker, Vanlalhlana MLA, Chairman PAC, Dr. Vanlalthlana MLA, H. Lalrinawma, Commissioner & Secretary leh Vanlalfamkima Sailo, Committee Officer-te an tel a ni.

Parliament PAC kum za tlin lawmna leh hemi puala Souvenir buatsaih chu India President Ram Nath Kovind chuan a tlangzarh a, Prime Minister  Narendra Modi, Vice President M Venkaiah Naidu leh mi pawimawh tak tak dangte'n thu an sawi a ni. President Ram Nath Kovind chuan sawrkar sum hman dan entu leh chhui zuitu a nih anga Public Accounts Committee pawimawhzia sawiin Chairman leh official kal khawmte chu mahni hmun theuhah dik leh rinawm taka thawk turin a chah a ni.

Mizoram Legislative Assembly ațanga he hun hmanga kal zingah  Vanlalhlana, MLA, Mizoram PAC Chairman chu Panel of Chairman-a ruat niin thusawina hun a pek a ni a. Hlana hian sawrkar sum hmandan en zuitu Public Accounts Committee pawimawhzia leh House-a report pek hmanga rawtna hrang hrang siam a nih dan te, chumi kaltlanga project leh programme hrang hrang en zui a nih thin dante a sawi bawk a ni.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh