Parliament thut laiin zung!

Admin - Jun 05, 2021

| Camera off miah lo leh kalsawn maih lovin a coffee novah a zung ringawt | Member dangten an hmu vek a ni |

Canada-a rorel lai, Liberal Party MP pakhat chu video call hmanga parliament rorel inkhawm an neih laiin mawi lo takin a zung a, dem a hlawh hle.

William Amos-a hi Nilaini zana online-a House of Commons an thutkhawm lai hian a camera off miah lo leh kalsawn maih lovin a coffee novah a zung ringawt a, hei hi member dangten an hmu vek a ni.

Prime Minister Justin Trudeau-a party MP, Amos-a hian a tukah Twitter-ah ngaihdam a dil nghal a; mahse, eptu lamten an sawiselin an dem nasa hle.

Conservatives Party chuan a chet dan hi pawm chi loh tak a nih thu an sawi a, rorel lai party chuan mipuia an mawhphurhna leh an dinhmun pawh hre thiam lovah an puh a. Amos-a chet dan chuan Liberal Party hian khuarel humhimna lam ngaihvenna engmah an nei lo niin an sawi.

Amos-a tho hi April thla khan a mualpho tawh bawk a, phone-a thlalak pakhatah ruak veka a awm lai a darh tawh a. Hemi tum hian a zing tlan pisa kai tura a inthlak lai niin camera a in-on tih a hre lo hrim hrim niin a insawi thiam a ni.

Share now