Aizawl: School Education Minister Lalchhandama Ralte chuan, “Party inthliarna dah bovin ram hmasawn nan i thawk ang u,” a ti.   Nimina Sawleng khawtlangin amah lawmna hun an buatsaihah he thu hi sawiin education Minister chuan, “Sawrkar tharin hun rei lote chhungin thawm a nei tan a, mipuite tana tha ber turin hna a thawk zel dawn a ni,” a ti a. Khawtlang hmasawnna tura auhla an neihte tipuitling thei dinhmunah mipuiin an hlankai avangin lawmthu a sawi a, mipuite chu tawngtaina nen tawiawm tlat turin a sawm bawk.   Minister tawiawmtu Aizawl North III bialtu MLA C.Lalmuanpuia pawhin thusawiin Ministry tharah sawrkar tharin zirna lamah theihtawp a chhuah dawn tih sawiin dikna leh rorelna tha a awm theih nan mipuite chu thawhpuiah a sawm a ni. Zirlai thiam thei leh harsate tan incentive pek an nih tur thu a sawi bawk.