ZALEN January 8, 2025 : Chhinga Veng chuan tukin khan mitthi an nei a, he hunah hian Chhinga Veng bial vawngtu Presbyterian Pastor Rev. C. Zorammawia chuan thlanmual-ah thlanlaite a tawimawm bakah amah hian thlan a lai ve bawk.

Rev. C. Zorammawia hian a awmna apiangah remchang a neih chuan thlan hi a lai thin a, hei hi a tih thin dang ve reng a ni tih Chhinga Veng Upa pakhat chuan ZALEN a hrilh.

Chhinga Veng bialtu Pastor hi Synod Sr. Executive Secretary kalchhuak niin, Chhinga Veng pastor bial a vil hma hian Chhingchhip bial-ah Pro Pastor ; Damparengpui bial ; Kolasib Diakkawn bial ; Chaplain, CMC&H, Vellore ; Field Secretary, Tripura ; Dawrpui bial ; A/S, Manipur Area ; Secretary, SMB ; Synod Sr. Executive Secretary hna te a lo chelh tawh a, UTC-ah M.Th. zo a, amah hi Kawlkulh khawchhuak a ni.