Aizawl June 3, 2023 : MPCC Treasurer Dr. Lalmalsawma Nghaka chuan, Congress Party hian sum kan lo ngah viau a nih pawhin kan hmatheh ve dawn lo a, bial mipui te tan rinawm leh taimak na nen kan ramah Pathian Lal ram a din theih nan hma kan la dawn, a ti.

Tukina Thakthing Bazar-a MPYCC ten Street Campaign an buatsaih a hmanpui naah MPCC Treasurer chuan, "Sum hmatheh a sawrkar na siam kan tum chuan kan ram hi a boral dawn a, 2023 inthlan lo awm turah kan ram a sum hmatheh avanga a chhiat vek loh na turin, Congress Party chuan tan kan la dawn a ni," a ti.
    
MPCC Treasurer chuan, "Pu Lalsawta kaihhruai Congress Party chuan mihausa thiamna sang leh lar te kan duhlo a ni lo a, mi-dik leh huaisen kan duh a ni. Vawiina chawhmeh zuar te, two wheeler taxi khalh leh nitin a inhlawhfa chawp te hi tang puih na hmangin an dinhmun kan siamsak dawn a, mahni a dinchhuah tum a theihtawp chhuah te chu he tang puihna ah hian an tel vek a ni. Party dang te angin Congress Party chu pheichham man turin kan inzirtir ve lova rim leh taima taka theihtawp chhuah tu te hi kan thawhpui duhzawng te chu an ni," a ti.

Dr. Lalmalsawma chuan Pathian tih lo leh mipui ngaihtuah lovin MNF ten mipui an hruai tiin, "Sawrkar hnathawk te pawh an beidawng hle tawh a, an thla tin hlawh a hun taka an lak theih loh na a rei tawh hle a. GPF leh pension a an chhuah pui tur an mahni pawisa ngei pawisa la hlei thei lovin an awm mek a, chutiang in mipui te pawh Health Care sum min pe thei lo a, vaibelchhe 100 chuang min batsak tep tawh a, Pathian tih lo leh mipui ngaihtuah miah loh in MNF hian Mizoram mipui te hi min kaihruai a, min hruai chhe vek tawh a ni," a ti.  

He hunah hian MPCC Gen. Secy TT Zothansanga, AMC Corporator Rosiamngheta leh AMC Corporator tho Zodingpuii te pawhin thu an sawi a ni.