Aizawl April 29, 2024 : Vawiin hian MNF chuan Mizo Hnam Run-ah Chhung inkhawm a nei a, Sr. Vice President Dr. R. Lalthangliana chuan thu sawiin, MP (Lok Sabha) inthlan chu Pathian zarah tluang taka neih zawh a ni chu lawmawm a tih thu a sawi a, Pathian puihna in chak theihna sang tak an nei a ni a ti.

Dr. R. Lalthangliana chuan, Zoram dung leh vang fangin Mizoram chhung MP, Lok Sabha inthlanna tur atan an campaign chhuak vek thei a, an campaign tawhnaah mipui ten an support em em a, MNF Campaign Directorate leh Party Worker rim tak a thawktu zawng zawng leh mipui, MNF support tu zawng zawng hnen ah lawm thu a sawi a, Pathian zarah chak theihna sang tak an nei a ni, a ti.

Thangtea chuan, MNF in kan sawrkar chhunga kan thil lo tih that tawh te Health Minister a nih chhunga Ram leh hnam, mipui tana tang kai tur a lo tih tawh te sawi bawkin Mizoram State Cancer Insitute (MSCI) tan a theih tawp a lo chhuah dan te a sawi a, Japan International Corporation Agency (JICA) te nen tangkawp a, Mizoram State Super Speciality Cancer & Research Center (MSSCRC), Zemabawk a din tur an lo tih fel dan te leh Project, Rs 700 crore lai loan agreement sign anih tawh dan te a sawi bawk a ni. Hetiang Project lian tham MNF sawrkar hun lai a an ti hlawhtling thei kha a lawmawm a tih thu a sawi bawk a ni.