Aizawl April 22, 2024 : Vawiin hian Mizo Hnam Run-ah chhung inkhawm neih a ni a. Hun hnihna political session-ah Lok Sabha MP candidate K.Vanlalvena chuan amah duhsak taka candidate petu MNF hruaitute chungah leh duhsaka amah vote-tu te chungah lawmthu a sawi a, "Pathian chu engkim ti thei, a chungah rinna kan nghah chuan engkim a ti thei vek a, a rintlak a ni," a ti.

K. Vanlalvena chuan MNF Campaign Directorate leh party worker rim taka thawktu zawng zawngte chungah lawmthu a sawi a. Campaign-na tur sum a neih loh thu te, hmun hrang hranga mahni sum senga feh chhuak zawng zawngte chungah lawmawm a tih thu a sawi. Nikum MLA inthlana MNF candidate vote lotu tam takin tun MP thlanah kha chuan amah an vote nia a hriat avangin lawmawm a ti a. "Hman ni lawka tla hlim ni mah ila ; kan party kan inlungrual tha a, tlin leh tlin loh chu Pathian thu thu ni mah se, beiseina sang tak kan nei. Rulling party khing kan ni a, opposition party hrang hrangin candidate kan nei a. Beisei ang kan lo pha ta lo anih pawhin Pathian remruatah pawm thiam ang u," a ti bawk.