Aizawl February 6, 2023: Excise & Narcotics Department chuan nimin Pathianni khan hmun hnih-ah Heroin gram 514 (Hawng 40) an man a, hmunkhatah hian Central Anti Drugs Squad (CADS) te nen an thawkho a ni.

Excise & Narcotics Department chuan February 5, 2023 (Pathianni) chawhnu khan Bawngkawn, Lunglei Road-ah Heroin gram 503 (Hawng 39) leh a neitu nia puh mi pathum – Z. Rozampuii (22) d/o Z. Lalhumhima leh C. Malsawmdawngliana (20) s/o C. Lalhlimpuia, Lunglei Ramthar venga khawsa ve ve nia inchhal leh Lallawmzuala (27) s/o Thankhara, Luangmual, Chithar Road, Lunglei-a khawsa nia inchhalte chu an man.

Excise & Narcotics Department leh CADS thawkdun chuan February 5, 2023, Pathianni zan khan Falkland Venglai-ah Heroin gram 11 (Hawng khat) leh a neitu nia puh – Lalliankhuma (23) s/o Sakhawliana, Falkland Venglai-a khawsa nia inchhal an man bawk.

Excise & Narcotics Department hian kumin January thla chhung khan Heroin Kg3 & gram 599 an man a ni.