Aizawl March 19, 2024 : Mizoram State Commission for Women chuan thuchhuah siamin V. Lalhmingthangi w/o Zothanmawia Tuikual South, March 17, 2024-a ama dawr bungraw dahna kudam chhunga rawng taka thah a ni chu pawi an tih thu an tarlang a. Pawikhawihtu hmeichhia a ni leh zel chu pawi an ti leh zual.

V. Lalhmingthanga'n a kalsan a pasal leh fanaute tawrhna chu Mizoram State Commission for Women chuan a tawrhpui a, Pathian thlamuanna leh awmpuina lo chang ngei se tih chu an tawngtaina a nih thu an tarlang.

Home Minister leh policer ten rang taka hma la a, pawikhawihtu man a ni chu fakawm an tiin an chhuang a, tualthattu hi a phu tawk hremna pek a nih theih nan chak taka hma la zel turin an beisei a, tun hnuah hetiang thil hi thleng tawh lo se tih chu an duh dan a nih thu an tarlang bawk.