December 16, 2023; Leads District Managment Khawzawl & Champhai District chuan pawisa thir (Coin) chungchangah thuchhuah a siam.

Leads Bank Manager thuchhuaha tarlan a nih dan chuan, Khawzawl District chhunga mimal leh sumdawng thenkhatin India pawisa thir (coin) an dawng duh lo tih hriat a ni a, Reserved Bank of India, Department of Comminication-in mipui hriattirna a lo tih chhuah tawh angin mipui awmsam zawkna atan leh pawisa nawi tlo zawk kan neih theih nan pawisa nawi-Rs. 50 paise, Rs. 1/-, Rs. 2/-, Ra. 5/-, Rs.10/- leh 20/- te chu India sawrkar chuan a siam chhuak a, heng pawisa nawite hi India sawrkar pawmpui thlap an ni. 

Heng pawisa thirte hi mipui ten zalen tak leh hnualsuat lo a hman theih vek a ni a, sumdawng ten pawisa

kir aia thil dang (sweet, Vitamin C etc) an kir thin hi dan kalh tlat a ni a, pawisa kir ngai a nih chuan pawisa ngei chauh an kir tur a ni, tih tarlan a ni a, Khawzawl District-ah Bank zawng zawng ten RBI-in thupek a lo tih chhuah tawh angin an mahni dawrtu mipuite hnen atangin pawisa thir deposit an dawngin thleng pawh an phalsak vek tur a ni a. Sawrkar department zawng zawng te pawh an revenue dawnah pawisa thir an hnar tur a ni lo tiin Leads Bank Manager thuchhuahah hian tarlan a ni bawk.