Aizawl: Chief Minister Zoramthanga chuan, "Pawl kut pawimawhna kan hmu chho zel a, kum dangah pawh tha zawka kan hman chhoh zel ka beisei a ni," a ti.

Ni hnih awh Pawl kut hmanna nimin Lammual a neihah he thu hi sawiin Chief Minister leh Kut pa ni bawk Zoramthanga chuan thalai te chu damdawi ruihtheih, zu leh sualna chi hrang hrang ten tibuai lo se a duh tih sawiin Pawl kut chu naupang pual kut anih ang ngeia naupang ten Mizo thil an entir chu lawmawm a tih thu a sawi bawk.

Khual zahawm Art & Culture Minister R.Lalzirliana chuan, "Kan hnam nunphung hrechiang tura kan inzirtir uar deuh deuh a pawimawh a ni," a ti a. Pawl kut chu Mizo nundan tha Aia upa zah, hmeithai dawmkan leh pipu nunmawi hrang hrang inzirtir thar lehna atan hman nise a duh tih a sawi bawk.