Aizawl March 7, 2024 : Vawiin khan PC Party chuan MP Election 2024 atana an Manifesto an puang a, Hydel Project lian neih nana hmalak chu an thil tum zingah hian an telh a, Bairabi Hydel Project tharthawh leh chu an thil tum hmasak a nih thu an sawi.

PC Party President Vanlalruata chuan Mizoram-a Hydel Project kan neih zingami tuna kan hman mek Serlui Hydel Project pawh clearence la fel lo a nih thu a sawi a, chutihlaiin Bairabi Hydel Project chu clearence fel vek tawh a ni, a ti a, Bairabi chu Turbine lian lakluh awlsamna a nih thu a sawi bawk.

Manifesto-ah hian Aizawl-a MP Office siam te, ram leh hna chungchang document lakkhawm te, Mizoram sawrkarin dik taka hna a thawh theih nana hma lak te, Central scheme hrang hrang diltu te pui te, Competitive examination beitu te puih te, UCC ; ram, hnam leh sakhaw himna tichhe thei chi hmalakna apiang dodal te, Mizoram leh Burma inkara ramri hung tumna dodal te, Free Movement Regime neih let nana hma lak leh District tina industry lian tham din te a tel.