Aizawl March 18, 2024: Vawiin khan PC Party President Vanlairuata chuan Lok Sabha MP Inthlan lo awm tura PC Party candidate tur chu Rita Malsawmi (49) D/o LT Muana (L), Kolasib Venglai, tuna Laipuitlang, Aizawl-a khawsa mek anih thu Kolasib MJA Press Club, Kolasib-ah a puang.

Ruata chuan, "Kan Candidate hi thlan tlin anih chuan Aizawi-ah MP Office & hawng dawn a, MP zawng zawngin anmahni bial-a office an neh vekna tur Dan siam anih theihnan hma a la dawn," tiin hei hi a hlawhtlin ngei an rin the sawiin, "Hemi avang ringawt pawh hian MP zawng zawngin role model-a an nei, history bung thar siamtu a ni dawn a ni," tiin vote theuh turin mipui a sawm.

Rita Malsawmi chuan a thiltih tum thenkhat sawiin, "Mizoram MP mai ni lovin Zofa te leh India ram Kristian te tan MP ka ni dawn a ni" tiin, Mizoram hmasawnna tur te, Zofate himna tur te leh Hindutva do let tura nasa taka ke a pen theih nana MP nih duh a nih thu sawiin amah vote turin mipui a sawm bawk a ni.

'I tan ka tling tawk' tih hla avanga Mizoram mipui te hriat Rita Malsawmi hi LT Muana (L) leh Vanlalruati, Kolasib Venglai te fa niin November 22, 1975-ah Hortoki-ah a piang a, Laipuitlang, Aizawl-ah a khawsa mek a ni. Mipuiin amah an hriatna ber chu hla phuah leh zai lamah a ni. Zai lama Mizo ten an hriat hmain Kolkata-ah Koly Band-ah zaitu a ni. Mizo zinga modelling lama sulsutu, Kolkata-a modelling hna thawk a. Modellling Agency te partnership-s lo nei tawh a ni. Mizo zinga Five Star Hotel-a thawk hmasa pawl a ni bawk. Mizoram a lo chhuah hnuah DDK-ah news correspondent hna a thawk thin a, Filim lam lahchilhin ZTS Audio & Visual Production-a producer a ni a, intisiakah lawmman pakhat-na te lo dang tawh a ni.

Social work lamah Joshua Operation-ah President nilai niin, ZORO Gen. Headquarter-ah kum 10 chuang Secretary nihna cheih tawh a ni.