Kum 31 mi Ashley Rison chuan a zirlai kum 17 mi chu car hnungah tum 8 zet sex a lo hmanpui tawh tih hriatchhuh a nih vangin man a ni. 

He thil hi October ni 12 khan hriatchhuah niin PE zirtirtu nu hi mipat hmeichhiatna thila dan  bawhchhetu anga thiam loh a chang a nih chuan kum 5 chhung jail a tang ang. 

Kum 31 mi Ashley Rison hi thubuai siamsak a nih lai hian finfiahna tihchhiat leh kum tling lo hnena zu pek chungchangah puh a ni bawk a, mahse heng thubuaite hi tihtawp a ni tawh thung.

Rison hian nikum May 3 khan New Miami school, Ohio-a softball coach hna a chawlhsan a, chumi ni vek chuan Butler County Sheriff Office-ah a thil sual tih vanga koh a ni. 

FOX19 tarlan danin, a thubuai an ziahnaah nikum April 2021 khan a zirlai naupang pakhat nen vawi riat zet sex an hmang dun tih an tarlang. Yahoo! news pawhin Butler County Sheriff Office leh prosecutor te chuan Rison hian lirthei seat hnungah a zirlai naupang chu mipat hmeichhiatna a hmanpui ngei niin an tarlang bawk. 

Assistant Prosecutor Lindsay Sheehan chuan court hearing an neihnaah,“An hun hman dan hi zirlai naupang leh Ms. Rison te hian an zep hran lo va, chutih laiin Ms. Rison-i hian a zirlai naupang hnenah thuneitute hnena report lo turin a thlem a ni,” a ti. 

New Miami Board of Education chuan FOX19 hnenah Rison hian August 2015 aṭang khan school district-ah hna a thawk ṭan a, hmeichhe naupang softball leh basketball coach a nih ṭhin thu an sawi. Sheriff Office chuan New Miami-ah zirtirtu puitu hna a thawk tih an sawi bawk.

Daily Star atanga khawvel hmun hrang hrang atanga chanchin thar leh thawnthu thar ber ber te hriat duh tan hetah hian click la, kan newsletter ah hian inziak lut rawh.

“Ashley Ra-Nae Rison hi New Miami Local School Board-ah hna a thawk tawh lo a, a hnathawhna hmunah hian a hlawhtling hle a, May ni 3, 2021 aṭang khan Ms. Rison hian Paraprofessional leh Coach a nihna aṭangin a ban ta a ni. New Miami Local School-te chuan tun dinhmunah thu chhuah an la nei lo,” tiin Superintendent Rhonda Parker chuan FOX19 a hrilh.

Rison hi bond ziah tirin chhuah zalen rih a ni a, mahse GPS monitor erawh an hak tir thung.