An inkarah 'ri ret ret' a awm anga ngaihna a rei tawh a. Amaherawh chu, chiang faka sawi chhuah erawh a la awm ngai lo. Ni thum (3) kalta atang kha chuan engkim 'chiang' angin a sawi theih tawh niin a lang. Gospel singer Pensy B. Lalthangliani chuan a Instagram account-ah 'someone very special' tiin piancham lawmpuina a tarlan tlat! Pensy hian a IG account-ah mipa pakhat nena an thlalak dun a 'post' a. A caption-ah "Happy Birthday to someone very special!!!" tih thu ziakin, love sign emoji nen a ti par chhak bawk. Mahse, an hmel erawh chu a ti lang chiah chuang lo! An hmel lang lo mah se, 'someone very special' chu tunge a ni tih hai rual lohin a hming a 'tag' thung. Ri ret ret bak an chanchin kan hre ngai lo. He 'Super-private couple' hian an inlaichinna hi an thup tlat avangin hun rei tak chhung chu an chanchin sawi thui vak tur a awm lem lo a. A tu ve ve mah hian engmah sawi chhuah an nei duh der bawk si lo. Nimahsela, an inlaichinna chu January ni 7, 2016 khan Pensy Instagram account follower 7968 rual chuan an 'chian' a, he’ng zingah follower 772 in an like tling tawh bawk. He 'someone very special' a tih pawh hi India international footballer, Hnahthial tlangval Jeje Lalpekhlua a nih a rinawm! Chennaiyin forward Jeje hi tunah hian Mizoram-ah chawlh hmangin a cham mek a. Nimin atanga khelh tan I League-ah pawh hian a khelhna tur club-ah contract a la ziak fel lo nia hriat a ni. Hetih lai hian, season liamtaa a khelhna leh champion lai Mohun Bagan tan a inlan leh ngei hmel.