Miss Mizoram 2024 neih zawh taka People's Choice sub-title dawngtu Lalhmingsangi, Kolasib chu vawiin (21.05.2024) Higher Secondary School Leaving Certificate (HSSLC) result chhuakah distinction-ah a pass a, subject pathum-ah letter a hmu bawk. 

Hmingsangi hian Commerce a la a, subject pathum - English, Mizo leh Business Studies -ahte letter a hmu a ni. HSSLC hi St. Joseph Higher Secondary School atangin a pass chhuak a, a kal leh zelna turah ZALEN chhungkua chuan duhsakna kan hlan a ni. 

Hmingsangi hi Miss Mizoram 2024 thlannah khan kum naupangte ni chungin Kolasib District aiawhin a rawn pen chhuak a, mipui ngainat leh duh rawn ber niin People's Choice hial a hlawh chhuak a ni.