April 5, 2024; India Today-in a zirchianna atanga a lan danin Mizoram chu India ram state zinga mipui cheng zat atanga chhuta meizu tam ber a ni.

India Today hian March 13, 2024 khan No Smoking Day denchhenin India ram state hrang hrang meizute dinhmun a zir chianna a tichhuak a, chutah chuan Mizoram chu sang berin mihring cheng zinga 82.5 % in mei an zu ang a ni. Meizial zu tlem ber state chu Tamil Nadu niin 14.6% in mei an zu.

Meizial zu tamna state pang zingah hmarchhak state pali an lang a, Mizoram bakah Meghalaya (75.2%), Arunachal Pradesh (70.6%) leh Tripura (74.7) te an ni. Meizial zu tam state panga zinga hmarchhak state ni lo chu Jammu & Kashmir (70.3) an ni.

India rama meizial zu mite punna rate hi nikum 2023 khan 4.5% a ni. India hi khawvelah zial zu tamna ber ram pahnihna a ni.