Rita, Brenda, Mami leh Julie te’n group an din — PHILIA — chuan music video thar an peih fel ta a. An single thar tur hi ‘Khawngaih Chhandam’ tih a ni. Tuikual North tleirawl te awmkhawmna group single thar hi V. Thangzama phuah a ni a. An video hi RDS Shots niin, producer David Zonunsanga Hmar a ni thung. PHILIA hian tuna an single thar hi kumina a music video release hnuhnung ber tur a nih hmel a. Kum tharah music video siam tumin ruahmanna an siam bawk a ni. PHILIA group hi thenkhat chuan kan la hre mai thei. Member te an la naupan ang bawkin an group pawh hi a kum a la tam lem lo. Mahse, Branch committee leh Bial zaipawl member-te an ni fur.