Aizawl : March 13, 2024 khan Raj Bhavan-ah Larsap Dr. Haribabu Kambhampati hovin, MYC chairman Malsawmzuala Ralte, LESDE Secretary Lalmalsawma IRS leh official dang ten tun hnaia Sri City Special Economic Zone, Andhra Pradesh tlawha an zin chungchangah Mizo thalaite tana hnaruak awm thei an rawn hrilh te sawi ho a ni.

Sawiho naah hian Tirupati-a Phone assemble (Phone remnkhawm) naah Mizo hmeichhia, kum 19-25 inkar, pawl 10 pass tan hna 300 a awm thu dawn a ni a, a thawktu tur zawn leh lak lam MYC in a buaipui zui dawn a ni.

Awm man leh ei leh in a free vek dawn a, hlawh pawh tha pangngai tak tur a nih thu an dawng. Hetiang hian Corporate/Company dangte pawhin hnaruak, Mizo thalaite thawh theih tur an neih te an rawn thlen zel dawn a ni. Advertisement mumal taka chhuah thuai a ni dawn a, thawk thei leh thawk duhte tan lo inbuatsaih tan theih a ni.