Aizawl November 28, 2022 : Dr. BD Chakma. MLA leh BJP State General Secretary Malsawmtluanga te chuan vawiin khan Mizoram Governor Hari Babu Khambampati chu a Office ah hmu a, Mizoram-ah mipui ten awlsam PM Health Care Scheme kaltlanga inenkawlna an hmuh theihna tura pui turin an ngen.

BJP hruaitute hian Governor hi Ayushman Bharat PM Health-care Scheme chungchang sawipuiin, Mizoram-ah Damdawiin tlem te chauhah PM Health-care hi hman theih anih avangin, Mipui ten awlsam zawka PM Health-care Scheme kaltlanga inenkawlna an dawn theih nan, Mizorama Private Hospital tha kan neih-ah te PM Health-care Scheme hman anih ve theih na turin central sawrkar hnenah lehkha ziak a thlen tum anih thu leh Governor pawh hi mipui tam zawkin PM Health-care an chhawr theih nana hma lakpui turin an ngen a ni.