Pollution endik dan tur siam thar ; Dan lo a pollution certificate pe chhuaktu man
![](/storage/news/post/K87IaClzJHXOF8xgnwdEo1fsqOzYhFJmej5N96CY.jpg)
Aizawl: Lirtheiin khu a tichhuak tam lo tih finfiahna, pollution under control certificate (PUCC) dan lo a pe chhuaktu nia hriat chu tun hnai khan man chhuah a ni a. Hetihlai hian mipuite awlsam zawkna turin naktuk atanga kalpui tur PUCC endik dan tur ruahmanna thar siam a ni.
Transport department hotute hnen atanga ZALEN thudawn danin, report an dawn bawhzuia thu an zawhfiahnaah PUCC lo pe chhuak thin hian a thil tih a lo bansan hman a, Tripura lamah contact neiin, PDF-in online-in an rawn thawn a, chu chu a lo pe chhuak thin.
Dan bawhchhiatna a nih avangin ti tawh lo tura hriattirna lehkha pek a ni a, a copy pawh SP Traffic, Aizawl leh SDPO, Aizawl North pek an ni.
Dan loa PUCC lo pe chhuaktu hian scooty tan certificate hi a lo pe chhuak tlangpui a, pakhatah Rs. 80 zel a la thin. PUCC test man hi a pangngaiah chuan lirthei pakhat zelah Rs. 50 a ni.
Transport department hotute chuan PUCC pe chhuak turin authorised testing agency nih a ngaih thu leh Mizoramah chuan Mizoram Pollution Control Board (MPCB) an nih thu an sawi.
Hetihlai hian transport department thuchhuak angin, PUCC chungchangah MPCB-a Member Secretary C. Lalduhawma chuan hriattirna tichhuakin, Bharat Stage (BS) IV leh VI motor-te PUCC dam hun chhung chu kum khat atan tih tawh tur a ni.
Hemi vang hian mipuite harsatna sut kian nan September 26, 2022 atanga October thla chhungin BS I, II, III motor bikte test tur a ni dawn a, BS IV leh VI motor-te test hun tur chu a tahtawl a siam rem leh tur a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024