Synfo leh Central KTP buatsaih, Praise On 2024 - Mal zai intihsiakna chu audition round zawh fel a ni ta a, October 14-16, 2024 chhung hian Saron Veng Kohhranah mi 137-in first round intihsiak an hmachhawn zui ang.

Audition hi district hrang hranga audition round neih kual a nih hnuah Nilaini atanga Inrinni inkar khan Tuikual Kohhranah Aizawl district pualin neih veleh a ni a. Inrinni zanah result puan niin mi 300 zai tura hming pe atangin mi 120 thlan chhuah an ni.

District hrang hranga audition lo neih tawhah Champhai district atangin mi pali, Serchhip atangin mi panga, Kolasib atangin panga leh Lunglei atangin mi pathum ten paltlangin first round intihsiakna an hmachhawn dawn a ni.

Praise On 2024 hi mi pathum - Upa F. Lalthanmawia, R. Lalrinmawii leh Michael Lalneihtluanga ten an endik.

Audition round leh hi First Round intihsiakna hi Hruaina Eng TV-a a chhuah bakah Synod Information YouTube channel-a dah zel a ni dawn a. Second Round atanga final thlengin Hruaina Eng TV leh YouTube-ah live-a pek chhuah a ni ang.