Zanin hian 2020-21 season Premier League a chu khelh zawha ni dawn a, club 20 ten a rualin dar 8:30 ah mual hrang hrangah an khel dawn. Champion team leh relegate tur team hriat tawh mahse, season thar a Champions League leh Europa League khel tur team chin fel a ni  thung ang.

Inkhel hmuhnawm tur leh ngaihven hlawh zual

UCl khel tur hian Manchester khaw club pahnih City leh United te an chiang tawh a, hmunruak pahnih awm chuh tur pathum an awm thung a, chung zinga pakhat Leicester leh Spurs inkhel tur hi han thlir hmasa lawk ila. Leicester hi team pahnih League-a an inhmachhawn hnuhnung vawi thumah tum hnih an chak zawk a, chutihrualin Spurs hian an intawn hnuhnung tum 14-ah Leicester hian tum khat chiah goal an khung lo.

Point 66 nei a 5-naa awm mek Leicester City hian point 59 nei pasarihnaa awm mek Tottenham    an intum dawn a, an point hmuh zat chiah hmua an chung chiaha awm Liverpool-in Crystal Palace an hneh ve hlauh chuan top four-ah an inhlang kai zo lo thei thung. Mahse vanneih thlak takin champions league erawh khel phak thei thung. 

UCL contender Liverpool tan top four-a awm turin chak a tawk mai a, an tumpui tur hi Cry-stal Palace hi an sawp hnu an nih vangin an huphurhin a rinawm loh.         Chak mamawh ve ve Aston Villa leh Chelsea inkhel tur hi a hmuhnawm ngeiin a rinawm. Hetihlai hian Chelsea hian tun thla tawpah Champions League an khel dawn a, boss Tuchel-a hian player tha hlang a hmang ngam kher a ngem?
Inkhelh dang pawh a nep dawn lo

Season kharna inkhel a nih vangin club tan nei tan chuan mahni club tan zan pawh a tih theih awm e. Entu awmin an game hnuhnung ber hi an khelh dawn vangin player te an phurin a rinawm a, tin season leh a an dinhmun hrilhtu game ala awm nual vangin inkhel a nepin a rinawm loh. 

Table-a 12-na Wolves mualah pahnihna Manchester United an leng lut dawn a, team pahnih te hi chak mah se an chunga awm te an lehpel thei tawh lo thung. Tin, United hi

Parukna West Ham mualah point 43 nei Southampton    an leng lut dawn a, anni hi an chak a nih chuan team dang khelh dan a zingin 12-naah an awm thei. Season thara kan hmuh tawh loh tur Sheffield United mualah relegate lo zinga point hniam ber Burnley an leng lut dawn a, anni result hian table a khawih danglam thei tawh lo bawk. 

Table-a 18-na relegate chiang tawh Fulham chu 13-naa awm tumin Newcastle-in an hmachhawn an hhmachhawn thung dawn a. An chak hlauh a, Southampton an vanduai bawk chuan hma an sawn hret dawn a ni. Table 10-naa awm Leeds United leh West Brom    intum tur hi chu ngaihven hlawh lo tur zinga ngaih a ni. Leeds-in an lehpelh lohna turin Arsenal hian Brighton an hneh ngei a ngai dawn. Team tha pahnih Man City leh Everton te innuai pawh hi inkhel ngaina tute tan chuan en loh phal chi a ni lovang.

Record thenkhat thlir ang

Tun seasona card hmu tam zual: 
Harry Maguire leh John McGinn ten yellow card 11 ve ve an hmu a, Conor Gallaghar-a'n 10 midang pathumin pakua theuh an hmu bawk. Lewis DunkBrighton-a'n red card pahnih a hmu a, midang 14-in pakhat theuh an hmu bawk.

Kum 10 chhunga Champion leh RunnersUp te: Liverpool hi Premier League champion lai an ni. Premier League hi kum tin team 20-in an khel thin a, heng zinga team 7 te chiah hi an la champion thung. Manchester United chu champion tam berin tum 13 zet trophy an chawi tawh a, Manchester City-in dawtin an thlau hle a, tum 4 an champion tawh a ni. Champion team dang te chu Arsenal(3), Chelsea(5), Liverpool, Blackburn Rovers leh Leicester City te an ni. Champion team zingah Manchester City hian point hmu tam ber record siamin 2017-18 season khan point 100 an siam. Kum 1992 atanga Premier League tan a nih hnu khan club 49 zet Premier League-ah hian an inlan tawh a ni.
Kum               Champions            Runner-Up
2019-20        Liverpool                Manchester City
2018-19        Manchester City    Liverpool
2017–18        Manchester City    Manchester United
2016–17        Chelsea                 Tottenham
2015–16        Leicester City        Arsenal
2014–15        Chelsea                 Manchester City
2013–14        Manchester City   Liverpool
2012–13        Man United          Man City
2011–12        Manr City             Man United
2010–11        Man United         Chelsea
2009–10        Chelsea                Manchester United

    Khawvel football league a en hlawh leh boruak hot thei ber Premier League hian entu leh supporter pawh an ngah thei hle a, ram 200 chuang zetah pek chhuah niin mi tluklehdingawn 5 chuangin an en thin a chhut a ni. League hi England ram chhunga team 20 ten an khel thin a, heng team 20 te hian match 38 theuh khelin relegat leh kai san inchuhin home leh away-ah an khel kual thin a ni. Premier League-ah hian striker ropui tak tak an awm tawh a, chung zinga goal thun tam zual te chu:

Hming                Country       Club                                               Goals
Alan Shearer       England       Newcastle, Blackburn Rovers        260
Wayne Rooney,   England      Everton, Man Utd                          208
Andrew Cole       England      Man City, Man Utd                        187
Frank Lampard,   England      Man City, Chelsea                          177
Thierry Henry     France         Arsenal                                           175
Sergio Aguero    Argentina   Man City                                        164
Robbie Flower    England     Liverpool, Leeds Utd, Man City      163
Jermain Defoe    England    West Ham, Spurs                             162
Michael Owen    England    Liverpool, Newcastle United           150
Les Ferdinand    England    QPR, Newcastle, Spurs etc.              149