DOWNLOAD OUR APP

Read latest news on your phone
app-store

President dinhmun tha zel

Apr 04, 2021

ICU atangin special room-ah sawn chhuah a ni tawh

President Ram Nath Kovind chu All India Institute of Medical Sciences (AIIMS)-a Thawhlehnia zai a nih hnuah a dinhmun tha chho zelin ICU atangin special room-ah sawn chhuah a ni tawh tih Rashtrapati Bhavan chuan nimin khan a puang.

President chenna in chuan, “President Kovind chu ICU atangin AIIMS-a special room-ah vawiin khan sawn chhuah a ni a. A dinhmun pawhin hma a sawn zel a, doctor thiamten an vil reng a, chawl hahdam deuh rih turin an ti a ni,” tiin nimin khan Twitter-ah an tar lang.

Ningani pawh khan president ngei hian a dinhmun a that zel thu leh amah enkawltu doctor-te chunga a lawm thu a sawi a. “Min zaina chu a tha zel a, doctor leh min enkawltute chungah ka lawm a. Khua leh tui leh India leh ram pawn lama hruaitu, ka dam thuai theih nana duhsakna min hlantute chungah lawm thu ka sawi bawk,” tiin Twitter-ah a tar lang.

Kum 75 mi, Kovind hi March 26 khan a awm a sawisel avangin Army (Research & Referral) Hospital-ah dah luh a ni a. “Doctor-ten a dinhmun an zir chuan hnuah bypass zaisak a ngai a, March 30 zing khan an zaisak ta a ni,” tiin president dinhmun hi AIIMS chuan an sawi.

Share now