Mizoram & MDC of Chakma Autonomous District Council (CADC)-a MDC lo ni tawh leh Mizoram sorkara minister pawh lo ni tawh, Nirupam Chakma chu India President Droupati Murmu-i chuan Inrinni khan National Commission of Scheduled Tribes (NCST) member atan a ruat.

Ram pum huap committee/commission member atana Chakma hnam ruat hmasak ber a ni.

Nirupam Chakma hi he commission kaltlang hian sorkarin ram puma Schedules Tribe tan thawkin an aiawhtu a ni ang a, an harsatna tawhah pawh a ngaihsaktu tur a ni ve dawn tihna a ni.

NCST hi Indian danpuia Article 338-A hnuaia din a ni a. An hna ber chu India rama Scheduled Tribe-te himna atan leh an dikna chanvo an hmuha chawi kan an nih theih dan tur ngaihtuahsak a ni.

Commission hian Scheduled Tribe-te vantlang nun leh khawtlang hmasawnna tur te, zirna chawi san te leh an culture himna a ngaihtuahsak thin a. An dikna chanvo palzut leh bawhchhiatsak nia hriat a awm chuan chhuiin sorkar hnenah ngaihtuahsak ngai nia an hriatte an thlensak thin bawk.

NCST hmalakna leh thawhna avang hian India ram chhunga Scheduled Tribe-te chawi kanin an awm mek zel a ni.