ZALEN January 24, 2025 : Sawrkai laipuia Ministry of Education, Department of School Education & Literacy ten an thlan angin St. Pauls Higher Secondary School zirlai pahnih te chu January 24- 29, 2029 inkar chhunga 'Interaction Programme with the Hon'ble Prime Minister' a tel turin an kal.

St. Pauls Higher Secondary School zirlai pahnih Prime Minister kawm tura kalte hi - Lalhriathlui d/o Zodinsanga, Chawnpui, Aizawl, Class X zirlai leh Lalnunsangi Ralte d/o Lalthamawia, Dinthar, Aizawl, Class XII zirlai te an ni a, anni hi phalsak an nih angin an zirtirtu Rempuii chuan a hruai a, Prime Minister nen inkawmna nei tur hian India ram hmun hrang hrang atangin mi 100 thlan an ni.

School Education Director Angela Zothanpuii chuan January 22, 2025 khan St. Pauls Higher Secondary School Principal hnenah hian an zirlai te thlan an nih thu hi a hrilh a, anni hian January 23, 2025 khan Mizoram chhuahsanin Delhi hi an pan ta a ni.