Zirsangzela hla phuah — Bang Ziak Ina — tih hla hi hla thu en chung ni loa sa chhuak thei lo te pawhin a hla erawh chu kan hre fur hlawm ang. He hla hriat hlawh tak mai hi thangthar zaimi zinga rawn din chhuahpui an tam loh viau laiin, Priscilla Fanai chuan music video a rawn siam dawn. Priscilla Fanai hian a music video thar tur hi a buaipui tan tawh a. March thla chhung hi chuan peih hman vek a tum a. A tihchhuah hun tur erawh a la sawi chiang fak thei lo thung. Music track leh voice record vel hi 3 Brothers Recording Studio kutchhuak a ni dawn a. Video erawh Ronald Zothantluanga — 3 Bro-Sis Video — chuan a buaipui ve thung ang. Zirsangzela hla phuah sa turin Lalhungchhungi Pachuau pawhin phalna a lo pe tawh a. A pahna thlapin music video hi siam a tum a ni. He hla hi hman deuh khan 'Hmangaih Lehkhathawh' hit-maker Zosangliani khan a lo sa tawh bawk. Thil dang daih! Priscilla Fanai hian pasal neih lam chu a la hmanhmawh lem lo. "Rik ret ret lam kha chu a la hla deuh ang. Kuminah pawh a la nih hmel loh," a ti!