ZALEN, Sept 29, 2026: Benjamin Lalrindika’n hneh taka Vincent Khongsai hnekin Thawhtanni zanah flyweight round of 16 a lut a, Mizoram Labour Link LPS Pro Fight bantamweight-ah Denis Vanlalsiama’n round hnihnaah Vanlallawma a hneh bawk.

LPS Arena, Falkland-ah tawn hriat nei tawh leh professional huanga inhnek tawh, Selesih boxer Didika’n North Molhai boxer lakah inhnek a thunun rualin a tuar tel hnem viau a, nasa taka inhnek tawn chungin fei takin an inbei tluan a, langsar taka hnek tam zawk Didika’n round thum la vekin Orient Goldsmith Fighter of the Night-a thlan a ni.

A tir atangin kum 20 mi, Selesih tlangvalin a pan a, Manipur atanga tel, Khongsai chuan rang takin lo hnek let mah se a bei let hneh lo va, Didika’n chiang tak takin a hnek zawn a, rund thumna tawp thlengin hmuhnawm takin an innuai a ni.

Phu taka a chak rualin Didika’n fiahna dang a hmachhawn zui leh nghal dawn a, Ningani zan flyweight round of 16-ah seeded boxer zinga mi, Alison M Lalhmangaihzauva, Siata, Siaha district nen an inhmachhawn ang.

Flyweight inhnek dangah Tawipui South boxer Hmingdailova’n a tir lam leh a tawp lamah Khatla East rawlthar, Benjamin Lalthantluanga a nawr hneh a, judge pathumin 29-28 vekin an chaktir.

Tharum nei zawk, Hminga hian panin na taka hnek fuh tumin a vai chhuak a, tawlh pahin Benjamin-a’n a ngilin a lo hnek let a, round hmasa berah Tawipui South tlangval hlawhtling mah se round hnihnaah tha takin a hnek let a; mahse, round hnuhnung berah Hminga’n a dinhmun siamin Tawipui South boxer dang, N Lalhruaizela hnung zuiin round of 16 a lut a, Ningani zanah seeded boxer Nicky Zothanpuia, Tuipui nen quarterfinal luh an inchuh ang.

Thingsulthliah boxer PC Laldinthara’n Vanhne tlangval, F Lalpekhlua a hneh bawk a, judge pathumin 29-28 vekin an chaktir a, round of 16 lutin Ningani zanah tho seeded boxer Freddy Vanlalpeksanga, Lunglei Electric Veng nen an intawng ang.

Kum 21 mi, Pekhlua’n a tir atangin ngam takin nawr mah se kum lia naupang zawk, Dinthara’n lo hnek letin, inhnaih chilhah a kut a rangin a hnek dik zawk bawk a, inhnehtawk tak chungin round hnih a la a ni.

Bantam-ah inhnek vawi hnih awmin Ratu boxer Denis-a’n round hnih hmang zo lovin Rangvamual tlangval, Lawma a hneh a, Zirtawpni zan round of 16-ah 2023 title fight-a inlan tawh, Pangzawl fighter Ramdinthara a hmachhawn dawn a ni.

Kum 24 mi, Denis-a’n inrintawkna nei thei turin Lawma hmaah inhnek a thunun hneh a, a ngila a hnek chhuah zawnin awmzia a nei a, round hnihna tawp lamah nawr hnehin na taka a taksaa a hnek zawnsak hnuah Lawma a talbuai a, a team-ten towel vawm lutin second hnihin round a tawp hman lo tihin technical knockout-in a chak a ni.

West Lungdar boxer Lalchhuanawma’n hnek zawn thiam zawk a nihna chhawrin North East Khawdungsei tlangval, Vanlalvohbika a hneh a, judge pathumin 29-28 vekin an chaktir a ni.

Vohbika’n a ding lamin hnek fuh chiang thei viau mah se a rualpui, kum 21 mi, Chhuanawma’n inhnaih chilhah vawi hnih leh a aia tam a hnek zawn fo a, chet vel a awlsam zawk bawk a, round of 16 lutin Zirtawpni zanah Khuangleng boxer Biaklawmthanga nen quarterfinal luh an inchuh ang.

Mizoram Labour Link LPS Pro Fight 2026

Zan 17-na : September 28, 2026 (Thawhtanni)

RESULT

FLYWEIGHT

Hmingdailova (Tawipui South) def Benjamin Lalthantluanga (Khatla East)

= Unanimous Decision (29-28, 29-28, 29-28)

PC Laldinthara (Thingsulthliah) def F Lalpekhlua (Vanhne)

= Split Decision (28-29, 29-28, 29-28)

Benjamin Lalrindika (Selesih) def Vincent Khongsai (North Molhai)

= Unanimous Decision (30-27, 30-27, 30-27)

BANTAMWEIGHT

Lalchhuanawma (West Lungdar) def Vanlalvohbika (North East Khawdingsei)

= Unanimous Decision (29-28, 29-28, 29-28)

Denis Vanlalsiama (Ratu) def Vanlallawma (Rangvamual)

= Technical Knockout (Round 2, Minute 2:58)

LIGHTWEIGHT

Emmanuel Lalbuatsaiha (Muanna Veng) def Auckchin Maung (Sate, Chin State, Manipur)

= Unanimous Decision (30-26, 30-26, 30-26)

Malsawmkima (Vaphai) v Stephen Lalrindika (Ramrikawn, Tanhril)

= Technical Knockout (Round 2, Minute 2:51)

WELTERWEIGHT

Lalremtluanga Vantawl (Khatla South) def Johan VL Hmangaihsanga (Vaivakawn)

= Unanimous Decision (30-27, 30-27, 30-27)

Vanzairemmawia (Lungtian) def Gospela (Sesawng)

= Knockout (Round 1, Minute 1:06)

Lalhlupuia Zote (Bawngkawn West) def Joseph Lalmalsawma (Thuampui)

= Unanimous Decision (30-27, 30-27, 30-27)

Jeffrey Lalruatkima (Kolasib Project Veng) def Jerry Lalmuanawma (Chawnpui)

= Unanimous Decision (30-27, 30-27, 30-27)

MIDDLE WEIGHT : ROUND OF 16

Samuel Zadeng (Bawngkawn West) def K Lalremsanga (Champhai Venglai)

= Unanimous Decision (30-27, 30-27, 30-27)

Orient Goldsmith Fighter of the Night

- Benjamin Lalrindika (Selesih)

Zan 18-na : September 29, 2026 (Thawhlehni) - 8:00 PM

FIXTURE

FLYWEIGHT

B194 Alfred Lalrinsiama (Rangvamual) v Rommel Malsawmdawngliana (Lungtian)

B195 Lalhriatzela (Maubawk) v Jangkhochon Lupho (Churachandpur, Manipur)

B196 PC Lalremruata (Bilkhawthlir) v Mangmuanlian (Lamka, Manipur)

BANTAMWEIGHT : ROUND OF 16

B197 L Joseph Buihringpachha (College Vaih, Siaha) v Lalrinsanga (Thingsulthliah)

B198 C Lalruatfela (Tuirial) v Dolrich Zothansanga (Mualcheng South)

LIGHTWEIGHT : ROUND OF 16

B199 Lallawmawma (Tuipui) v Israel Thangliana (R Vanhne)

B200 LV Robert Lalengliana (Tuipui Ferry) v Mickey Lalbiakzuala (New Vervek)

WELTERWEIGHT

B201 Lalchhanchhuaha (Khawzawl Electric Veng) v Lalhmingpuia (Chhiahtlang)

B202 Lalrinmawia (Ramthar North) v Lalduhawma (Lengpui Vengthar)

B203 R Vanlalhmangaihsanga (Kawlchaw West) v Ricky Malsawmzela (Dinthar)

MIDDLE WEIGHT : ROUND OF 16

B204 Lalhriattira (Tuithiang) v Seigoulal (Churachandpur, Manipur)