ZALEN, Sept. 11, 2026: LV Robert Lalengliana'n round hnihna laihawlah Gabriel Lalruatfela a hnek tlu a, Ningani zan Mizoram Labour Link LPS Pro Fight inhnek dangah Lalnunthara'n rang takin Lallawmzuala a knockout bawk.

LPS Arena, Falkland-ah a tir atanga round hnihna tir thlengin Hmunpui tlangval Ruatfela'n na takin nawr mah se, Tuipui Ferry boxer Engliana'n a taksaah hneksakin a nawr let a, round hnihna minute khat leh second 34-ah a knockout a ni.

Lightweight inhnekah hian Ruatfela na tak takin a hnek fuh fo va, round khatnaah a chungnung zawk. Mahse, round hnihnaah tha taka inveng chungin Engliana'n dik takin a dawm a, a nak hnuaiah vawi hnih a hnek zawn hnuah Ruatfela a che buai a, um zuiin a hmaia a hneksak hnua a pumah chiang takin a hnek zui a, Hmunpui boxer tluin a che zui thei ta lo a ni. Round hmasa ber a hloh hnuah Tuipui Ferry tlangval a kir leh a, Orient Goldsmith Fighter of the Night-a thlan a ni.

Light inhnek dangah Muallianpui boxer Lalnunthara'n a tir atangin hneh takin Lallawmzuala (Bethlehem Veng) a nuai nghal a, round hmasa ber minute khat leh second 27-ah a knockout.

Inhnek dangah Churachandpur Manipur boxer Onminlen chuan tharum nei tha S Beikhaizachhi (Chakhei, Siaha district) lakah split decision-in hnehna a chang hram. Inhnek fuh tlemna inkhelah hian a tir atangin Beikhaizachhi chuan panin hnek fuh tumin a bei ngawrh hle a, Onminlen chuan tlawh paha inveng chungin a hnek let a, judge pahnihin Churachandpur boxer hi round tinah an chaktir laiin pakhatin 29-28-in Chakhei tlangval a chaktir ve thung a ni.

Bantam-ah Chawnpui boxer John Lalrozawna'n round hnihna tawp dawnah Rohit (Zemabawk, Kawn Veng) a knockout bawk a, a tir atangin Rozawna'n a hnek hneh a, inveng chungin Rohit-a'n bei let mah se a dawng hnem hle a ni. Chawnpui tlangvalin inhnek a awpbet hneh telh telh a, round hnihna minute hnih leh second 45-ah inhnek tihtawp a ni.

Inhnek dangah beiseiawm takin round khatnaah C Ramnunpuia (Zemabawk East) inlan mah se round hnihna atangin Lengte boxer N Lalbiakmawia a insiam tha a, round hnuhnung pahnih a lak hnuah unanimous decision-in a chak. Hetiang deuh bawk hian Andy Lalruatfela (Thenzawl) chuan round hmasa ber a lak hnuah harsatna a tawk a, Khuangthing boxer Malsawmdawngzela'n nawr letin round hnuhnung pahnih a la a, unanimous decision-in a chak a ni.

Fly-ah inhnek vawi li awmin Sialhawk rawlthar Michael Zosangliana'n boxing tha pangngai tak a lantir a, thiamna leh thil dangah Lalrinkima (New Vervek) thununin unanimous decision-in a hneh a, tawn hriat nei lo ve ve inhnekah Lalhruaitluanga (Ramthar Veng) chuan Mesak Lalrinzuala (Sunhluchhip) lakah round thum la vekin hnehna a chang bawk.

Vanhne boxer F Lalpekhlua'n C Lalnunhriata (Vathuampui) a hnek hneh hle a, round hnihna minute khat leh second 13-ah technichal knockout-in a hneh. Hetiang tho hian Kapzalawma (Vaikhawtlang) chuan round khat khel tluan lovin Edenthar boxer Lallawmawma a hneh bawk a, round khatna tawp nan second 16 a la awm tihin technical knockout-in a chak a ni.

Welter-ah inhnek vawi hnih awmin ITI Veng boxer Zothansanga'n a ngila a hnek fuh thin chhawrin round hmasa ber leh hnuhnung ber a la a, Zohmangaiha (Samlukhai) chuan a ding lam a vai chhuah thin hmangin round hnihna la mah se a chakpui zo lo a ni.

Inhnek hnuhnung berah Chhinga Vengthlang rawlthar Francis Lalenrema'n Lalremruata (Falkland) lakah chungnung takin a khel a, a vei leh ding ngil taka a chhuah zawn thin hmanga a tihbuai bakah ban sei zawk a nihna chhawrin dik takin a hnek fo a, round tin la vekin a chak a ni.

Mizoram Labour Link LPS Pro Fight 2026

Zan 3-na : September 10, 2026 (Ningani)

RESULT

FLYWEIGHT

Michael Zosangliana (Sialhawk) def Lalrinkima (New Vervek)

= Unanimous Decision (30-27, 29-28, 30-27)

Lalhruaitluanga (Ramthar Veng) def Mesak Lalrinzuala (Sunhluchhip)

= Unanimous Decision (30-27, 30-27, 30-27)

F Lalpekhlua (Vanhne) def C Lalnunhriata (Vathuampui)

= Technical Knockout (Round 2, Minute 1:13)

Kapzalawma (Vaikhawtlang) def Lallawmawma (Edenthar)

= Technical Knockout (Round 1, Minute 2:44)

BANTAMWEIGHT

N Lalbiakmawia (Lengte) def C Ramnunpuia (Zemabawk East)

= Unanimous Decision (29-28, 29-28, 30-27)

Malsawmdawngzela (Khuangthing) def Andy Lalruatfela (Thenzawl)

= Unanimous Decision (29-28, 29-28, 29-28)

John Lalrozawna (Chawnpui) def Rohit (Zemabawk, Kawn Veng)

= Knockout (Round 2, Minute 2:45)

LIGHTWEIGHT

Lalnunthara (Muallianpui) def Lallawmzuala (Bethlehem Veng)

= Knockout (Round 1, Minute 1:27)

LV Robert Lalengliana (Tuipui Ferry) def Gabriel Lalruatfela (Hmunpui)

= Knockout (Round 2, Minute 1:34)

Onminlen (Churachandpur, Manipur) def S Beikhaizachhi (Chakhei, Siaha Dist)

= Split Decision (30-27, 28-29, 30-27)

WELTERWEIGHT

Zothansanga (ITI Veng) def Zohmangaiha (Samlukhai)

= Unanimous Decision (29-28, 29-28, 29-28)

Francis Lalenrema (Chhinga Vengthlang) def Lalremruata (Falkland)

= Unanimous Decision (30-27, 30-27, 30-27)

Orient Goldsmith Fighter of the Night

- LV Robert Lalengliana (Tuipui Ferry)

Zan 4-na : September 11, 2026 (Zirtawpni

FIXTURE

FLYWEIGHT

B35 Tommy (Bawngkawn) v Lalthanzuala (Zawngin)

B36 Lalrammuana (Rangvamual) v Benjamin Lalthantluanga (Khatla East)

B37 Lalnunthlanga (Thingpuikuol, Manipur) v Lalrinnunga (Champhai)

B38 Lalzuimawia (Champhai Zotlang) v Immanuel Lalropuia (Vaivakawn)

BANTAMWEIGHT

B39 Herbert Lalhmangaihzuala (Ramthar North) v Malsawmdawngliana (Dawrpui Vengthar)

B40 H Lalruatfela (Suangpuilawn) v Vanlalhmingchungnunga (Thenhlum)

LIGHTWEIGHT

B41 Lalnunkima (Sialhau) v Freddy K Lalremruata (Kawlchaw West)

B42 James Lalmuanpuia (Lunglei Venglai) v JP Ralte (Durtlang Leitan)

B43 C Lalfakawma (Phuaibuang) v Lalsiamthara (Khawbel)

WELTERWEIGHT

B44 Malsawmtluanga (Phuaibuang) v Vanlalnghaka (Bawngkawn)

B45 Lalremruata Varte (Bawngkawn West) v Ramngaihzuala (Zemabawk North)

MIDDLEWEIGHT

B46 Vanlalhriata (College Veng, Aizawl) v Obadia Lalrindika (Kanan Veng)