ZALEN, Sept. 30, 2026: Weight hrang pahniha champion tu,m Lallawmawma’n awlsam takin bul a tan a, Thawhlehni zanah round thum hmang tluan lovin Israel Thangliana a hneh a, Mizoram Labour Link LPS Pro Fight lightweight quarterfinal a lut.

LPS Arena, Falkland-ah Lawma’n lightweight seed sang ber a luah a, tawn hriat nei lo huanga che tha, R Vanhne rawlthar, Israel-a hmaah inhnek thununin round hmasa berah a hnek tlu a, inbei zui leh mah se round thumna minute hnih leh second riatah technical knockout-in a chak.

Kum 24 mi, Lawma hi kum 2024 khan a vawi khat nan Pro Fight-ah telin welterweight-ah a champion nghal a, tun tumah champion kawnghren a kawl mek kalsanin weight dang, light-ah chona thar a hmachhawn a ni.

Kum 18 mi, Israel-a’n round of 16 a luhna kalkawngah beiseiawm takin a khel a, Orient Goldsmith Fighter of the Night lawmman dawng theiin inlan mah se Tuipui boxer a la el tawk lo deuh.

Veikhawr Lawma hnek a nat zawk bakah a kut a rang zawk a, round khatna laihawlah a vei lamin chiang takin lehlam khabe bawrah hneksakin Israel-a a tlu a, tho lehin a inveng zui nasa a, round thumna tawp lamah Lawma’n nawrin a hnek zawk a, lehlam talbuaiin referee Malsawmsanga’n a titawp. 

Light inhnek dangah seed pek zinga mi, New Vervek boxer Mickey Lalbiakzuala’n split decision-in LV Robert Lalengliana a hneh hram a, Thawhtanni zanah Lawma nen quarterfinal-ah an intawng dawn a ni.

Kum 22 mi, Mickey-a’n round hnihna thlengin a duh anga chet harsat mah se round hnuhnung berah tawn hriat nei zawk a nihna lantirin a hnek hneh a, kutthlak na zawk a nih angin a hnek fuh a langsar bawk.

Orient Goldsmith Fighter of the Night ni tawh, Tuipui Ferry boxer Robert-a’n fuh taka hnek zawn chang nei mah se a tawp lamah a tla hniam hret a, a tuar phah.

Middle-ah Tuithiang tlangval, Lalhriattira’n round thum la vekin Seigoulal a hneh a, quarterfinal a lut a. A tir lamah inbei tawk viau mah se round khatna tawp lam atangin kum 20 mi a chungnung a, Churachandpur boxer invenna karah hnek tlangin a taksaah a hneksak tel bawk a, a tawp thlengin hnek chhuak hnem leh nawr tam zawk ni chungin phu takin a chak.

Welter-ah Lalhmingpuia, Lalrinmawia leh R Vanlalhmangaihsanga’n round of 16 an lut ve thung a. Inhnehtawk takin Chhiangtlang boxer Hmingpuia leh Lalchhanchhuaha an inhnek a, kut rang leh hnek chhuah awlsam zawk, Hmingpuia’n split decision-in hnehna a chang hram a, judge pahnihin 29-28 an pek laiin pakhatin 29-28 thovin Khawzawl Electric Veng boxer a chaktir ve thung.

Ramthar North tlangval, Rinmawia’n rei lo te chhungin tawn hriat nei lo, Lalduhawma, Lengpui Vengthar a hneh a, a kut ding lamin a hnek tlu a, round khatna minute khat leh second ruk-ah a knockout.

Kawlchaw West boxer Hmangaiha’n Ricky Malsawmzela, Dinthar a nawr hneh bawk a, round thum nan tawp nan second 42 a la awm tihin technical knockout-in a chak.

Mizoram Labour Link LPS Pro Fight 2026

Zan 18-na : September 29, 2026 (Thawhlehni)

RESULT

FLYWEIGHT

Alfred Lalrinsiama (Rangvamual) def Rommel Malsawmdawngliana (Lungtian)

= Split Decision (29-28, 29-28, 28-29)

Lalhriatzela (Maubawk) def Jangkhochon Lupho (Churachandpur, Manipur)

= Unanimous Decision (29-28, 29-28, 29-28)

PC Lalremruata (Bilkhawthlir) def Mangmuanlian (Lamka, Manipur)

= Unanimous Decision (30-27, 30-27, 30-27)

BANTAMWEIGHT : ROUND OF 16

L Joseph Buihringpachha (College Vaih, Siaha) def Lalrinsanga (Thingsulthliah)

= Technical Knockout (Round 2, Minute 1:28)

Dolrich Zothansanga (Mualcheng South) def C Lalruatfela (Tuirial)

= Split Decision (29-28, 28-29, 29-28)

LIGHTWEIGHT : ROUND OF 16

Lallawmawma (Tuipui) def Israel Thangliana (R Vanhne)

= Technical Knockout (Round 3, Minute 2:08)

Mickey Lalbiakzuala (New Vervek) def LV Robert Lalengliana (Tuipui Ferry)

= Split Decision (28-29, 29-28, 30-27)

WELTERWEIGHT

Lalhmingpuia (Chhiahtlang) def Lalchhanchhuaha (Khawzawl Electric Veng)

= Split Decision (28-29, 29-28, 29-28)

Lalrinmawia (Ramthar North) def Lalduhawma (Lengpui Vengthar)

= Knockout (Round 1, Minute 1:06)

R Vanlalhmangaihsanga (Kawlchaw West) def Ricky Malsawmzela (Dinthar)

= Technical Knockout (Round 3, Minute 2:18)

MIDDLE WEIGHT : ROUND OF 16

Lalhriattira (Tuithiang) def Seigoulal (Churachandpur, Manipur)

= Unanimous Decision (30-27, 30-27, 30-27)

Orient Goldsmith Fighter of the Night

- L Joseph Buihringpachha (College Vaih, Siaha)

Zan 19-na : September 30, 2026 (Nilaini) - 8:00 PM

FIXTURE

FLYWEIGHT : ROUND OF 16

B205 Vanlalenkawltira (Champhai Dinthar) v N Lalhruaizela (Tawipui South)

B206 Michael Zosangliana (Sialhawk) v Tobias Hmingthansanga (Falkawn)

BANTAMWEIGHT : ROUND OF 16

B207 Lalruatfela (Phainuam) v Lalfakzuala (Vairengte)

B208 Lalruatkima (Falkland) v Sebastian VL Rinnunga (Ramthar Veng)

LIGHTWEIGHT : ROUND OF 16

B209 Lalruatmawia (Chhiahtlang) v H Zomuanpuia (Kolasib Khuangpuilam)

B210 Lalrohlua Pautu (Kanan Veng) v Vanlalchhuanawma (Thanglailung)

WELTERWEIGHT : ROUND OF 16

B211 HC Lalramfela (Venghlui) v John Lalhunlawma (Phainuam)

B212 Zothansanga (ITI Veng) v Zohmangaiha (Upper Republic)

B213 Vanlalnghaka (Bungkawn) v James VL Khawngaihkima (Bethlehem)

MIDDLE WEIGHT : ROUND OF 16

B214 Siamlaljuia (Churachandpur, Manipur) v Lalramdinmawia (Kawnmawi)