ZALEN, Sept. 29, 2026: Malsawmkima’n Stephen Lalrindika nawr hnehin round hnihnaah technical knockout-in a hneh a, Vanzairemmawia’n rei an inbeih hmain Gospela a knockout a, Thawhtanni zanah Mizoram Labour Link LPS Pro Fight round of 16 an lut.

Lightweight-ah tuar hmasa zawk, Vaphai boxer Malsawma’n bei letin Ramrikawn rawlthar, Rindika a hnek tlu a, tho leh mah se nawr zuiin round hnihna minute hnih leh second 51-ah technical knockout-in a chak a ni.

A tir lamah Rindika’n chiang takin a bekah a hneksak a, inhnek tawn zuiin hnek tuar thei zawk, Malsawma’n a ding lamin a vai tlu a, inbei zui leh mah se ngam takin Vaiphai boxer-in a nawr a, round hnihnaah chhiar ngaiin Rindika a talbuai leh a, bei zui leh tho mah se round tawp dawnah referee Malsawmsanga inhnek a titawp.

Round of 16 a luh rualin kum 22 mi, Malsawma hian fiahna hautak a hmachhawn zui a ngai dawn a, title fight-a vawi hnih inlan zawn tawh leh a vawi khat nan champion tuma bei mek, C Lalhruaitluanga, Cherhlun nen Zirtawpni zanah quarterfinal luh an inchuh ang.

Light inhnek dangah Muanna Veng tlangval, Emmanuel Lalbuatsaiha’n unanimous decision-in Chin state, Myanmar atanga tel, Auckchin Maung a hneh.

Emmanuel-a’n awmze neia a hnek laiin tawn hriat tlachham, Maung chuan tharum hmanga tibuai tumin a kuah fo a, a chak lo zawk a nih bakah a point paihsak a ni tel a, judge pathumin 30-26 vekin Muanna Veng boxer an chaktir a, Zirtawpni zanah round of 16-ah Jerex Lalsiammawia, Zonuam nen an inhmachhawn zui dawn a ni.

Welter-ah inhnek vawi li awmin Lungtian fighter Zaia’n tawn hriat nei lo, Gospela a nuai hneh nghal a, a dawm hnuah a nak hnuaia hneksakin Sesawng tlangvalin harsatna a tawk a, referee C Lalruatsanga’n vawi 10 a chhiar thlengin a che chang lo.

Minute khat leh second ruk chhungin Zaia a chak a, round of 16 lutin Ningani zanah a inlan zui leh nghal dawn a, seeded zing mi, Venghlui rawlthar, Zoremsanga nen an intawng ang.

Khatla South boxer Lalremtluanga Vantawl chuan Johan VL Hmangaihsanga, Vaivakawn lakah round la vekin round of 16 a lut bawk a, Ningani zanah tho inhnek lehin seeded zinga mi, Lalremruatpuia, Champhai Vengthar nen an inhmachhawn dawn a ni.

Bawngkawn West rawlthar, Lalhlupuia Zote chuan Joseph Lalmalsawma, Thuampui lakah harsatna lian tawh lovin judge pathumin 30-27 vekin an chaktir a, hetiang thova Jerry Lalmuanawma, Chawnpui hnehtu, Kolasib Project Veng boxer Jeffrey Lalruatkima nen Zirtawpni zanah quarterfinal luh inchuhin an inhnek dawn a ni.

Middle-ah Samuel Zadeng chuan quarterfinal a lut ve thung a, Champhai Venglai boxer K Lalremsanga lakah inhnek thununin hnek thui zawk a nihna thiam takin a hmang a, langsar takin round thum a la vek.

Bawngkawn West rawlthar, Samuel-a hian October 6 zanah fiahna tling inhnek a hmachhawn zui a ngai dawn a, Franky H Vanlalruatpuia, Lunglei Salem Veng nen semifinal luh an inchuh ang.

Mizoram Labour Link LPS Pro Fight 2026

Zan 17-na : September 28, 2026 (Thawhtanni)

RESULT

FLYWEIGHT

Hmingdailova (Tawipui South) def Benjamin Lalthantluanga (Khatla East)

= Unanimous Decision (29-28, 29-28, 29-28)

PC Laldinthara (Thingsulthliah) def F Lalpekhlua (Vanhne)

= Split Decision (28-29, 29-28, 29-28)

Benjamin Lalrindika (Selesih) def Vincent Khongsai (North Molhai)

= Unanimous Decision (30-27, 30-27, 30-27)

BANTAMWEIGHT

Lalchhuanawma (West Lungdar) def Vanlalvohbika (North East Khawdingsei)

= Unanimous Decision (29-28, 29-28, 29-28)

Denis Vanlalsiama (Ratu) def Vanlallawma (Rangvamual)

= Technical Knockout (Round 2, Minute 2:58)

LIGHTWEIGHT

Emmanuel Lalbuatsaiha (Muanna Veng) def Auckchin Maung (Sate, Chin State, Manipur)

= Unanimous Decision (30-26, 30-26, 30-26)

Malsawmkima (Vaphai) v Stephen Lalrindika (Ramrikawn, Tanhril)

= Technical Knockout (Round 2, Minute 2:51)

WELTERWEIGHT

Lalremtluanga Vantawl (Khatla South) def Johan VL Hmangaihsanga (Vaivakawn)

= Unanimous Decision (30-27, 30-27, 30-27)

Vanzairemmawia (Lungtian) def Gospela (Sesawng)

= Knockout (Round 1, Minute 1:06)

Lalhlupuia Zote (Bawngkawn West) def Joseph Lalmalsawma (Thuampui)

= Unanimous Decision (30-27, 30-27, 30-27)

Jeffrey Lalruatkima (Kolasib Project Veng) def Jerry Lalmuanawma (Chawnpui)

= Unanimous Decision (30-27, 30-27, 30-27)

MIDDLE WEIGHT : ROUND OF 16

Samuel Zadeng (Bawngkawn West) def K Lalremsanga (Champhai Venglai)

= Unanimous Decision (30-27, 30-27, 30-27)

Orient Goldsmith Fighter of the Night

- Benjamin Lalrindika (Selesih)

Zan 18-na : September 29, 2026 (Thawhlehni) - 8:00 PM

FIXTURE

FLYWEIGHT

B194 Alfred Lalrinsiama (Rangvamual) v Rommel Malsawmdawngliana (Lungtian)

B195 Lalhriatzela (Maubawk) v Jangkhochon Lupho (Churachandpur, Manipur)

B196 PC Lalremruata (Bilkhawthlir) v Mangmuanlian (Lamka, Manipur)

BANTAMWEIGHT : ROUND OF 16

B197 L Joseph Buihringpachha (College Vaih, Siaha) v Lalrinsanga (Thingsulthliah)

B198 C Lalruatfela (Tuirial) v Dolrich Zothansanga (Mualcheng South)

LIGHTWEIGHT : ROUND OF 16

B199 Lallawmawma (Tuipui) v Israel Thangliana (R Vanhne)

B200 LV Robert Lalengliana (Tuipui Ferry) v Mickey Lalbiakzuala (New Vervek)

WELTERWEIGHT

B201 Lalchhanchhuaha (Khawzawl Electric Veng) v Lalhmingpuia (Chhiahtlang)

B202 Lalrinmawia (Ramthar North) v Lalduhawma (Lengpui Vengthar)

B203 R Vanlalhmangaihsanga (Kawlchaw West) v Ricky Malsawmzela (Dinthar)

MIDDLE WEIGHT : ROUND OF 16

B204 Lalhriattira (Tuithiang) v Seigoulal (Churachandpur, Manipur)