September 29, 2023; Member sing 1 dawn awmna, Provisional Employees Association of Mizoram (PEAM) chuan an dinhmun sawrkarin a ngaihtuah sakna ah lawmthu an sawi a, hetihlai hian an regularized na tur pawm hmasa lova, provincilized school a thawkte sawrkar hnuaia absorption tih an nih chuan an pawm dawn lo tih an sawi.

Vawiin khan Aizawl Press Club ah thuthar thehdarhtute kawmin, PEAM hruaitute chuan kum 2020 atanga tun thlengin Contract Employee mi 290, PE/MR 1687 leh Workcharged 36 an regular tawh tih an sawi a, sawrkar leh department thawktute chungah an lawm hle tih an sawi.

An tarlan danin, tun dinhmunah PE 552 leh contract hnathawk 57 te dah ngheh an nihna tur file a kal mek.

Sawrkar chung a an lawmna hrang hrang an tarlan rualin, an lawm famkim lohna tarlang bawkin, provincialised tur pualin school 180 lai council of ministers in a pawm tih an sawi a, hemi avang hian state sawrkar sum hman ral tur atam hle dawn niin an sawi.

"Keini state sawrkar hnuaia thawk sa la nghet lote regularized na tur ngaihtuah leh pawm hmasa lova provincilized school hnuaia thawk, sawrkar hnuaia hna la thawk ve ngai reng reng lote, sawrkar hnuaia absorption a ti a nih chuan kan pawm dawn lo tawp a ni," an ti a, kum 7 thawk pumhlum tawh DP&AR in regularized tura list a siam fel tawh paih then awm lova regularized chu an thu tawp leh an an dinna a nih thu an sawi bawk. 

Sawrkar laka an lawmna an tarlan thenkhatte:

1. Tun sawrkar hian MR dinhmun chhe tak chu dinhmun tha zawk PE ah min hlang kai a, min enkawltu department pawh LESDE atangin DP&AR ah a thlak.

2. Status sang zawk guidline fel tak neiin kan lo awm thei ta a, a hma chuan labour law kan hmang ve thin.

3. Tun sawrkar bawk hian works department a thawk thin te chu mass approval min pe bawk a, kan lawm hle. Heti hi chuan tawngkam hnih khat lek a ban ma mai theih kan ni ta lo a ni.

4. Tunah chuan mihring kan nihna angin min enkawl chho tan ta a, a lawmawm leh zual hle.