Real Madrid chuan Kylian Mbappe lak tumin ngawrh takin an bei mek a, chutihlaiin Real Madrid lamin an ngamna zat chu PSG lamin an hnawl. PSG star hi lak ngei tumin an bia a, Real Madrid lam hian Kylian Mbappé hi €170m+€10m adds-on a lak luh an huam thu Paris Saint-Germaina an hrilh, mahse hei hi bei tham deuhah PSG lam hian an ngai a, an pawm thei lo. Hetia an hnawl vang hian an indawrna a tawp tihna a ni mai lova, Real Madrid lam hian offer thar an nei a nih chuan an dawngsawng thei reng thung. 

 Report thenkhat chuan PSG lam hian Kylian Mbappé hi an hral a nih chuan a thlak nan Borussia Dortmund star Erling Braut Haaland lakluh an tum nia sawi a awm.  Real Madrid lam hian Frenchman hi an duh hle a, an jersey hak tur thlengin an ti fel tawh a, chu chu an icon Zinedine Zidane a hak thin number 5 niin an sawi. PSG lama No 7 ha leh France tana no 10 ha thin hian Spain club lian hi a zawm a nih chuan no 5 a ha ang. Mbappe hian Madrid hi zawm a duh a, a chhan pawh a naupan lai atanga a idol World Cup-a France champion puitu Zidane-a club hlui a nih vang a ni.