Aizawl December 23, 2023: PWD Minister Vanlalhlana chuan tukin zingkar khan leimin vanga hun rei tak Vaivakawn Zohnuai kawng tlang tawh lo chu a hmunah a tlawh a. Kumtharah a rang thei ang bera Lirthei ke li nei te zawh theih tura lei dawh emaw kawng tlema laih zauh hmanga kawng ping sial tlang dan tur PWD Engineer te a sawipui nghal.

Lalnghinglova Hmar, MoS for S&YS, LESDE, etc., leh bialtu MLA ni bawk chuan PWD Minister hi a hmunah a lo dawngsawng a. Helai veng mipui ten kawng a chhiat avanga bungraw lakluh an harsatna te, lirthei lian chi a luh theih loh avanga rikrum thilah leh damlohna avanga hmanhmawh taka Damdawiin pan a tul changa an buaina an tawh dan te a sawi.

Kumin Fur laia kawng a chhiat hnuah two wheeler bak a tlang thei lo, kawngpui siamthat hna thawh a nih hmain temporary arrangement anga lirtei ke 4 nei a tlang theih dan tur ruahmanpui an ngai tih a sawi.

Lalrinkima, E-in-C, PWD in hmalak theih dan leh helai leimin chungchanga information pawimawh deuh te a sawi a. PWD ten helai kawng temporary a siam dan tura ruahmanna an neih te pawh H. Zoramliana, CE (Highways), PWD in a pharh a; PWD Minister leh Bialtu MLA leh khawtlang hruaitute a hrilhfiah bawk a ni.