A hun lai na na na chuan an ni aia band lar an awm chuang lo ang tih ngam, Queen chuan 1981 'Greatest Hits' collection chu an relaese leh dawn tih an puang. 

British rock band lar Queen hian 1981 'Greatest Hits' collection hi UK-ah ringawt copy maktaduai ruk chuang zet an hralh a, record an siam hial. Khawvel pumah copy maktaduai 25 chuang zet an hralh chhuak - hei mai hi a ni lo UK Albums Chart-ah phei chuan chawlhkar 900 zet an lang bawk! 

Hetiang khawpa an lo ropui pui tawh 1981 'Greatest Hits' collection tichhuak leh tura thutlukna an siam pawh hi a mak lo - July 2-ah tlangzarh a ni ang. 

Kum 2018-a 'Bohemian Rhapsody' tihchhuah a nih hnu khan Queen hian boruak an nei lian thar leh a, thangthar zingah pawh ngaisangtu leh an chanchin ngaihventu nasa takin an pung. An vocalist ropui thin Freddie Mercury awm tawh lo mah se a ropuina a dai tak tak thei chuang lo. 

An band member la dam - Brian May (73), Roger Taylor (71) leh John Deacon (69) te chuan Greatest Hits hi an tichhuak leh dawn a ni. An vocalist ber Freddie Mercury hi 1991 khan bronchial pneumonia avangin a thi a, tunah hian Adam Lambert chuan a ai a awh mek. 

An drummer Roger chuan an vocalist Adam Lambert ho hian hla thar an tichhuak dawn tih a sawi a, "Hla eng emaw zat chu kan record tawh a, kan la zo fel chiah lo thung," tiin hla thar an tichhuah tur thu chungchang a sawi. 

Queen 1981 'Greatest Hits' collection hi www.queenonlinestore.com ah pre-order theih a ni.