Aizawl: Kumin India in mahnia roa inrel champha ‘Republic day’ lawmna pui ber, Aizawla neih hun zing dar 9-a neih thin chu kuminah chuan zing dar 8-a nei turin sawn hma a ni.   Aizawl DC hova Republic day hman dan tur rela mi pawimawhte thukhawm chuan Republic Day lawmna, Lammual a hun hman tur hi sawn hma an rel a, kumin he ni lawmnaah hian Larsap Kummanam Rajasekharan chu khuallian a ni ang.   Kumin Republic Day ah hian parade contingent 28 tel thei tura beisei a ni a, hengte bakah hian Band party pali - TNT, 1st Bn. MAP, 3rd Bn. MAP leh 46 Assam Rifles te an ni a. Parade a tel turte hian ni 21.1.2019 atangin practice an nei ang a, final rehearsal hi ni 24.1.2019-ah neih tura ruahman a ni. Parade-a tel turte hriselna endik hna hi Aizawl Civil Hospital chuan an thawk dawn a ni.   Kumin Republic Day pual hian Hmangaihte Run, Zemabawk; TNT Muanna veng; Friends of Children Zemabawk; Gilead Special, School, Bawngkawn; Tawngtai Bethel Camp, Chawnpui; Gan Sabra Zonuam leh Motherless Babies Home Khatlaah te tanpuina Rs. 2000 theuh hlan tum a ni bawk. &&&&&&