November 21, 2023; Rabung khua Tomato leh Zikhlum ching Association hruaitute sawi danin, Rabung khuaa Tomato chingtu te'n tomato thar chho mekin a thar vang lai a ni mek a, tun-

dinhmunah quintal 500 vel zet an thar tawh.

Hemi atanga an sum lak luh hi cheng nuai 15 vel chu a tling tawh a, an tomato thar chhuahte hi Aizawl lamah an hralh deuh ber a, Khawzawl leh Hliappui lamah tlem a zawng an hralh

bawk a ni.

Nikum lam khan tomato hi quintal 900 vel zet an thar bawk a, hemi atanga an sum hmuh belhkhawm hi cheng nuai 25 leh sing 5 vel zet a tling.

Tomato chingtute hian an tomato karah Zikhlum an ching nghal a, Zikhlum hi nikum lamah quintal 60 vel zet an thar thei a,

kumin lamah erawh an thar tha lutuk lo niin an sawi.

Rabung khua Tomato leh Zikhlum Ching Association hi chhungkaw 30 vel niin, Khawzawl KVK leh Khawzawl Horticulture Department atangin Tomato leh Zikhlum chi hi an dawng a, an thlai chinna hmun hi KVK mithiam ten an tlawh fo thin a ni.