Aizawl June 5, 2023 : Manipur buai vanga sahimna zawnga Mizorama rawn lut te enkawl dan tur ngaihtuah tura sawrkarin a ruat thar te chuan "Manipur atanga raltlan te hian ei leh bar leh tawmhulna ah harsatna an neih lohna turin theihtawpa tanpui zel nise" tiin thutlukna an siam. CM Zoramthanga’n Manipur atanga raltlan te chhawmdawlna tura PM Modi hnena sum a dil chu rang taka bawhzui tha an ti 

High-Level Committee on Internationally Displaced Persons of Manipur in Mizoram chu vawiin khan an chairman Home Minister Lalchamliana hovin an thukhawm. Meeting hian resolution siamin, “Kan unau Manipur atanga raltlan ten ei leh bar leh tawmhulna ah harsatna an neih lohna turin theihtawpa tanpui zel nise” an ti. Raltlan rawn lut te chhinchhhiahna mumal leh felfai taka siam turin data tha neih ngai an ti a. ICT Department lamin Management Information System (MIS) lo buatsaih se tih a ni.

Thutkhawm chuan Chhungkhat laina belh tur nei lote awmna tur sawrkar hmunhma hman mek bakah hmun dang ngaihtuah belh nise an ti a, Manipur buaina vangin sawrkar hmunhma bakah hmun remchang dang te pawh lo thlithlai lawk nise an ti bawk. Raltlan zingah sikul naupang te chu zirna in hrang hrangah document phut lova admit turin School Education department lamin thuchhuah a siam tawh angin College zirlai te pawh an zir chhunzawn dan tur ruahman a tul thu an sawi.

Committee hian Chief Minister Zoramthanga’n Manipur atanga raltlan te chhawmdawlna tura Prime Minister Narendra Modi hnena sum a dil chu rang taka bawhzui tur tirh tha an ti a, raltlante chhawmdawlna kawngah tlawmngai pawl te, kohhran te leh mitin te inphalzau turin an ngen bawk a ni.

Meeting kaihruaitu Lalchamliana chuan Manipur buai vanga Mizorama raltlan rawn lut te dinhmun tlangpui a sawifiah a, Myanmar leh Bangladesh atangin tun dinhmunah raltlan 50000 chuang kan dawngsawng mek a, COVID vanga harsatna kan tawhin ziaawm lam a pan mek laiin Manipura kan unauten harsatna namen lo an hmachhawn leh a, kan hnuchhawn thiang lova, kan sawrkar sum dinhmun leh kan hmanraw neih te pawhin tuar deuh dawn mahse kan unaute an nih bakah COVID hripui len lai pawha mizo tlawmngaihna nen hmangaih taka min lo tanpui a min lo thlamuantu te an nih vangin theihtawp chhuahin kan lo buaipui zel dawn a ni a ti.

Vawiin meetingah hian member te an kal tha hle a, Sawrkar department hrang hrang ten hma an lo lak tawh dan te an report a, Central YMA, MKHC leh MJA aiawh te pawhin hma an lo lak tawh dan te tarlang bawkin hmalak chhunzawm zel dan tur rawtna tha tak tak sawiho a ni.

High Level Committee on internally Displaced Persons (IDPs) of Manipur in Mizoram member te chu a hnuaia tarlan ang hi an ni :

Chairman : Lalchamliana, Home Minister, Mizoram
Vice Chairman : Lalchhandama Ralte, Minister, School Education Department, etc
Member Secretary : H. Lalengmawia, Commissioner & Secretary to the Govt. of Mizoram, Home, P&E Department.

Members :

1. Lalruatkima, Minister, l&PR, etc.
2. K. Lalrinliana, Minister, FCS & CA, etc.
3. Robert Romawia Royte, Minister of State, Tourism, etc.
4. Chief Secretary, Government of Mizoram.
5. Principal Secretary, Finance Department.
6. Principal Secretary, Health & Family Welfare Department.
7. Commissioner & Secretary, General Administration Department.
8. Commissioner & Secretary, Rural Development Department.
9. Secretary, Disaster Management & Rehabilitation Department.
10. Secretary, Urban Developments Poverty Alleviation Department.
11. Secretary, Public Health Engineering Department.
12. Deputy Commissioner, Aizawl District.
13. President, Central Young Mizo Association.
14. General Secretary, Central Young Mizo Association.
15. President, Mizoram Journalist Association.
16. One representative from Mizoram Kohhran Hruaitu Committee.

Executive Committee on Internally Displaced Persons (IDPs) of Manipur in Mizoram member te chu a hnuaia tarlan te hi an ni:

Chairman : Pu H. Lalengmawia, Commissioner & Secretary to the Govt, of Mizoram, Home, P&E Department.

Member Secretary : OSD-cum-Joint Secretary, Home Department.

Members :

1. Inspector General of Police (L&O), Mizoram.
2. Engineer in Chief, Power & Electricity Department.
3. Engineer in Chief, Public Health Engineering Department.
4. Principal Director, Health & Family Welfare Department.
5. Deputy Commissioner, Aizawl District.
6. Joint Secretary, Home Department.
7. Director, Food & Civil Supplies Department.
8. Director, School Education Department.
9. Director, Disaster Management & Rehabilitation Department.
10. Superintendent of Police, Aizawl District.
11. One representative from Central Young Mizo Association.

High Level Committee on internally Displaced Persons (IDPs) leh Executive Committee on Internally Displaced Persons (IDPs) of Manipur in Mizoram member ruat belh tha tih a ni bawk.