Mizote chu hmasang atang khan Zawlbukah huaisen inzirtira Nopui inhlana inchawimawi thin an nih avang khan Thih hlau lo, Ram chhan tura inel ber kha an nia. ‘Miin khawvel hi a pumin nei sela, a nun chân si sela atan engnge sawt ang?” tih angte kha an la hre ve lo bawk a. Thenkhat chuan an âthuaite an ti a. Engpawh nise an huaisen avanga Ram nei chu kan ni ngei mai. Pawiho kha an ngam lohna chhan kha chu Yangon (Rangoon) phaizawl vela Portuguese Slave trade silai hman hlui (second hand), Rangoon vela lo darh kha, Chin Hills thlenga an lo neih hmasak vang a ni. Mizo Lal Ramri Target: Col. Lister-a khan kum 1850-in Lalngura khua Sentlang a rawn hal a. A chhan chu - Mizo Lal ho ram hauh chu Silchar atanga KM 13, Dholai bula Thahdo Lalnu Mangchini, an ram chhunga an awmtirin chhiah a chawi duh loh avangin an run ta a ni an ti. Chung chu Mizoten Inner Line leh Regulation chi hrang hrang an siam laia Mizo Laltena kan Ramri tinzawn chu a ni. Cachar-ah Cacharies leh Manipur Biahte Hrangkhawl Kuki Naga etc an inawm pawlh nuai a. Silchar indintanna Khaspur-ah phei hi chuan Naga Patti’ a la awm reng ani. Silchar khaw laili tak a ni awm e. Heng hnam darh tate hi Haflong-ah tam tak an lut chho Tun thlengin Halflong-ah hian Mizo hnahthlak an la tam a ni. Inner Line lam pawha hma lamin kan sawi nasa tawh sawi tawh lo ila. North Eastern Reorganization Act 1971: Kum 1966-ah kan ram a buaia, Zalenna kan sual a, India sawrkarin Jet fighter-in Mizoram khaw tam tak chu a chhu ngheng mai a ni. Hetih lai hian India hi a indan atangin kum 18 hmel hmu tawh mah se a kea a din chu kum 17 a upa ang vel chauh a la ni. Kum 1965-ah China nen an indo bawk si a, a hlauthawng hlein a lang. Kum 1971-ah ram buai thim lai takin North Eastern Re-Organization Act an siam leh a. He dan hian Mizoram mipui rawnna (Plebecite) awm miah loin Boundary a duh thuin a siam a. Chakma Autonomous District an rawn piantir nawlh bawk a. Ram buai kan nih avanga Mizote kan chak loh theih ber dan tur a nek beh kan ni. Hengah hian Mizo fa mawh puh em em tur a awm lo, dem tur kan zawn dawn chuan Union Ministry bawk.. Peace Accord: Kum 1986-ah remna (Peace Accord ) an sign a, heng rambuai laia India sawrkar aiawh Bawhsapten Dan chi hrang hrang Ram inawp dan an lo siam te pawh siam that leh enfel awm lem loin dawhkanah harhfimin min sign-tir thei a. Heng hi kan tihsual lian pui a ni. India constitution-a thil awm sa High court leh University hran neih tih ang reng hi .. Thil thar lian zawk angin an bengah a ri ring zawk a ni mahna. Chutianga Rambuai lai thil hnawk, One man Commission, tih ang reng sulhnu tam tak chin fel loha min sign-tir theih avang ngawt pawh khan vawin ni thleng hian min Nuthuri zuam mah se, thil awm tak a la ni zel tho lo maw?? Peace Accord dawn khan lehkha thiam leh Vision nei thuiten inrawlh theihna an nei lo va., a chhan chu hun dangah la sawi ila. India sawrkarte hian chuan Mizo tan a tha lo tih chu a hre reng ang. Kan lo sign tawh siah chuan,”I han enforce dawn chhin teh ang” an ti hi a ang a. Tin, anni pawn han kaltlangtir chu an tum chu a ni phawt mai a. Mahse, Mizoten kan tana kan inthurual chuan leh hruaitu huaisen kan neih bawk chuan kan tawlh tawh lo turah a ngaih theih. Quality leh decision fel tak siam lo chuan Boundary chungchangah hian Delhi lam auh thlak zen hi chin lohah a tha zawk. Vaw ikhat hmanah NGO pakhat chu Boundary Chungchangah PM an zuk hmu a. PM khan, “Assam CM nen lo inhmu ula , a inriate in ni a,” a lo ti a. A chhan let dan an hr e ta lo a. PM khan chuan kan Quality kha a hre leh nghal mai a. Kan dang hma a ti viau ang. Assam CM kha a titu a ni lo va, Peace Accord ah pawh a awm bawk hek lo, a chinghnawktu chu India Union-in MNF a hnuh luih vang kan ti thei ang. A ching fel lehtu tur pawh India Union a ni. Mahse Mizo fate hian kan tan duha hruaitu huaisen kan neih bawk chuan ramri chin fel chu kan tih ran a ngai a ni. Kan ramri vela kan beih hi Syhlet Bengoli Bangladeshee an ni deuh vek a, Ram Free Gift, Tui, Boruak, Nieng, ang, Ram angho chi hi chu a luah/ chhawr tangkai hmasabertu hnenah pek ni rawh” ( Terra Manua Occupanti Considiture ) tih kha an hriat chian avangin Assam Government leh Tripura Government te hian thil tam tak haiderin part an play thin , niin a lang. Engtin nge kan tih ang? Ramri chung chang chu kan sawi hnem tawh “Ramriah chuan a chak chak,” tihte pawh kan ziak tawh a. Heti zawng hian han ngaihtuah chin ila, mi tam takin Boundary Commission din an rawt thin a, Boundary Commission din a nih chuan, Document chi hrang hrang kum 1873 (Inner line) vel atang khan Notification chi hrang hrang an khawn khawm ngei dawn a, Vaiho Assam leh India Union lam chuan keini aiin Document an nei tha mai thei a, Interpretation pawh an thiam tak tak an tam ngei ang. Barh luih boundary pawh harhfimin min sign-tir thei a; mahse, Mizote hi Supreme Court mitah te hi chuan kan thiam zawk a rinawm. Tihdan tur: Vairengte khaw piah Tlangdungah sawn Ramri bul setah Police Training Centre siam ila Sikul leh College tha deuh din bawk ila. Tin khawchhak lam Tuivai Mukh (Trijunction boundary) velah hian Training Centre pakhat dah bawk ila. Post leh post inkar Ramri hrul vel hi kawngpui sialin kan Mizo hnahthlak Tripura/ Chin Hills leh Churachanpur lam atanga lo kalte hi inhmun thehsak ila. He population pung thut leh Cachar Bengali te hi han in chen pawlh se la, Bengali chu an nek tawm thuai ka beisei a ni. Chutichuan kan luah ngheh deuh hunah Commission te chu din ta ila He policy hi a that chuan Commission din pawh a ngai kher lo thei bawk. Heng policy hi Israel pawhin a hman tangkai em em a ni a. Tichuan, khu lam khawthlang lam Tripura ramri hrul remchang laiah Police Trainning Centre tha tak leh School/ College tha em em mai kan dah leh ang. Ram lailia Police training centre dah ai chuan a hlawk zawk fe ang. Tichuan ram laili chu ransa lam pawh an lo zalen tawh zawk ang. Police Training centre a dai neka a awm chuan security lamah pawh hma a sawn theihin population kan inpawt rual ang a, ram a in- develop a awlsam dawn a ni. Kan leilet (ram hausa) neihchhun lam buaina hi: Tuna a lan dan chuan Mizo leilet an rawn beih dan hi, mi sual rual thiltih a ang. Tute emaw fuihpawrh Gang pawl ni awm tak a ni. Assam sawrkar tih ni ta sela, Official Order chu khawi atang a lo kal nge, khawi atanga issue nge ni, Office letter No leh etc, Leilet neitute chu India khua leh tui (Khua leh tui awmnem zawk, sawrkarin a venhim tur zawkte sawrkarin ralthuam nen a tibuai fo a nih chuan…Kan paukhauh ve deuh chu a hun ang. Dan angin thil a kal tur a ni a, In thiahsak thingzai leh bungrua mansak tihte kha?? han chhui chiang vat teh se. Khatiang dan lo ang sawrkar Order/Notification pawh keng si lo chu rukru an nih avangin rukru tlanchhe tur chu kap thlu tawp tawp pawh nise, Serafimte pawn min thiam zan ang chu!! - C.Vanlal Ruaia