Thalai khawvel

Rapper DMX a thi

Admin - Apr 11, 2021

DMX hian khawvel huapa lar artist lar ber pawl JAY-Z a lo thawhpui tawh thin a, Ja Rule leh LL Cool J. te a lo thawhpui tawh bawk

American rapper Earl Simmons 'DMX' chu April 9, 2021 (Zirtawpni) khan heart attack avangin, kum 50 mi niin a thi. 

Lemchan thiam ni bawk Earl Simmons hi a stage name chu DMX 'Dark Man X' a ni a, khawvelin a hriat larna pawh a ni. A thih thu hi a chhungte chuan an puang a, lainattu leh uitu a ngah hle. 

DMX hian khawvel huapa lar artist lar ber pawl JAY-Z a lo thawhpui tawh thin a, Ja Rule leh LL Cool J. te a lo thawhpui tawh bawk. 

A hla zingah - Party Up (Up in Here) leh X Gon' Give It To Ya te chu a lar zual an ni a, film lamah - Cradle 2 the Grave, Romeo Must Die leh Exit Wounds te chu a channa langsar zual an ni bawk.