Aizawl; Mizoram Cement Zuar Association chuan thu- chhuah siamin, Mizoram bika Cement man a san chhoh avangin Cement man (rate) hmanlai baka sangin mipuiten Cement lei tawh rih lo turin an ngen. January ni 10 khan Mizoram bikah Cement Bag khatah Rs.30/- in a man tihsan a ni a, hemi hnu lawk January ni 20 khan Rs.20/- in tihsan chhoh leh a ni a. Hetiang a nih avang hian Cement bag khat chu kumin January thlatir lam aiin, Rs.50/- laia toin hralh a ni ta tih sawiin, hei hi Mizote hmusitna leh zahlohnaah Mizoram Cement zuartute chuan an ngai tih an thu-chhuahah hian an tarlang a ni. Hemi chung-changah hian Cement zuartuten Cement man toa lo la lo tur leh mipui hnena hralh lo turin an inngen a, mipui lam pawhin Cement hi January ni 10 hmalama rate ang lo chuan lo lei lo turin an ngen nghal bawk. A tul a nih chuan Mizoram chhunga Cement zuartu te chuan dawr khar thlenga Mizoram bika Cement man tihto chu dodal an inhuam tih an sawi bawk.