Aizawl May 13, 2024 ; Veng thenkhat leh khaw thenkahatah 'ration buhfai khul lo/la ngailo te e-pos machine hmeh vek tur a ni, hmeh loh chuan ration card an block dawn' tia thu thehdarh awm chungchangah Food, Civil Supplies & Consumer Affairs chuan thuchhuah an siam a, hei hi thu belhchian dawl lo a ni, an ti.

FCS&CA chuan, "Ration buhfai la lo/la ngai lo ten e-pos machine an hmeh loh avangin ration card block tumna sawrkar-in a nei lo. E-pos machine hmeh hi an ration an la ngei e tih fiahna chauh a ni. Mipui ten an ration an la (khul) lo anih pawhin retailer ten an tiriral/hralh mai tur a ni lova, thla thara sem leh turin mipui an tan dah tur a ni," an ti.

"Sawrkarin mipuite tan pawisa tam tak senga buhfai a lei hi e-pos machine kaltlang lova tihral/hralh mai hi dan bawhchiahna a ni a, e-pos machine kaltlangin a dawngtu tur dik takte hnenah chauh sem tur a ni," an ti bawk.

Supply department chuan he thilah hian mipui leh retailer zawng zawngte sawrkar tawiawm tlat tur leh dan zawm tlat turin an sawm a ni.