Real captain Ramos-a’n Chelsea hmachhawn thei dawn

Admin - May 02, 2021

Real captain Ramos-a’n Chelsea hmachhawn thei dawn

UCL semi-final first leg-ah Chelsea nen an inkhelh tuma inlan lo Real Madrid captain Sergio Ramos chu manager Zinedine Zidane-a’n second leg an khelh hunah chuan a inlan thei tur thu a sawi.
 
UEFA Champions League semi final first leg-ah Real Madrid chuan an mikhual Chelsea lakah goal chhuah hmasain an defence a nawi ru hle a. Tlar hnung lama hui khawmtu ber Ramos-a awm loh a lang hlein a hriat. Inhliam vanga an game hnuhnung pakua lai khel thei tawh lo chuan training a zawm leh tawh a, first leg tel thei lo mahse a hliam a dam deuh tawh vangin second leg khel turin Stamford Bridge-ah a leng lut ve ngei dawn tih a chiang tawh.
 
A player chungchang sawiin Zidane chuan,“Ramos hi a inkhel thei tawh a, training pawh a zawm tawh. Sergio hi inkhel turin a fit tawh a ni,” a ti.
 
Spanish La Liga table lam inelna leh in nawrna nasa tak kar a leng Real hian, tunah game 33 khelhah point 71 hmuin an elpui Atletico Madrid aiin point hnihin an hnufual a, an hmelma Barcelona nen an point a inang chiah thung.
 
La Liga champion nih hautak zia sawiin Zidane chuan, “Engtik lai pawhin La Liga hi competition hautak ber pawl a ni thin. Season tawp thlengin tunge champion dawn a hriat mai lova, pressure a sangin game pawh a hautak phah em em a ni. League champion a hautak tluk zetin a hlu a, chuvangin team tinin champion ngei kan duh thin. Chuvangin, season tawp thlengin team tinin theihtawp kan chhuah ang,” a ti.
Share now